കള്ളക്കേസില്‍ കുടുക്കി; സര്‍ക്കാര്‍ നിലപാടില്‍ പ്രതിഷേധമെന്നും അലന്‍ ഷുഹൈബ്

പാർട്ടിയിൽ നിന്ന് പുറത്താക്കിയത് സ്വാഭാവിക നടപടി മാത്രമാണ്. പൊലീസ് കള്ളക്കേസിൽ കുടുക്കിയതാണെന്നും അലൻ ഷുഹൈബ്.

കോഴിക്കോട്: യുഎപിഎ സംബന്ധിച്ച നിലപാടില്‍ നിന്ന് സർക്കാർ പിന്നോട്ട് പോയതിൽ പ്രതിഷേധമുണ്ടെന്ന് പന്തീരാങ്കാവ് യുഎപിഎ കേസിലെ പ്രതി അലൻ ഷുഹൈബ്. സർക്കാർ ഒപ്പമുണ്ടോയെന്ന് അറിയില്ല. പാർട്ടിയിൽ നിന്ന് പുറത്താക്കിയത് സ്വാഭാവിക നടപടി മാത്രമാണ്. പൊലീസ് കള്ളക്കേസിൽ കുടുക്കിയതാണെന്നും അലൻ ഷുഹൈബ് ഏഷ്യാനെറ്റ് ന്യൂസിനോട് പറഞ്ഞു.

അലന്‍ ഷുഹൈബിനെ ഈ മാസം 15 വരെ പൊലീസ് കസ്റ്റഡിയില്‍ വിട്ടിരിക്കുകയാണ്. ജയില്‍ വാര്‍ഡന്മാര്‍ മോശമായി പെരുമാറുന്നെന്ന അലന്‍റെ പരാതി രേഖപ്പെടുത്തിയ ശേഷമാണ് അലനെ കസ്റ്റഡിയില്‍ വിട്ടത്.