നാൽപ്പത്തിയഞ്ചാമത് വയലാർ രാമവർമ്മ പുരസ്കാരം ബെന്യാമന്

ഒരു ലക്ഷം രൂപയും വെങ്കല ശിൽപ്പവുമാണ് ജേതാവിന് ലഭിക്കുക. കെ ആർ മീര, ജോർജ്ജ് ഓണക്കൂർ, സി ഉണ്ണിക്കൃഷ്ണൻ എന്നിവരായിരുന്നു ജഡ്ജിംഗ് കമ്മിറ്റി അംഗങ്ങൾ.

തിരുവനന്തപുരം: നാൽപ്പത്തിയഞ്ചാമത് വയലാർ രാമവർമ്മ പുരസ്കാരം (Vayalar award) ബെന്യാമന് (Benyamin). മാന്തളിരിലെ 20 കമ്മ്യൂണിസ്റ്റ് വർഷങ്ങൾ (manthalirile 20 communist varshangal ) എന്ന കൃതിക്കാണ് പുരസ്കാരം. ഒരു ലക്ഷം രൂപയും പ്രശസ്തി പത്രവും വെങ്കല ശിൽപ്പവുമാണ് ജേതാവിന് ലഭിക്കുക.

കെ ആർ മീര, ജോർജ്ജ് ഓണക്കൂർ, സി ഉണ്ണിക്കൃഷ്ണൻ എന്നിവരായിരുന്നു ജഡ്ജിംഗ് കമ്മിറ്റി അംഗങ്ങൾ. ഒക്ടോബർ 27നാണ് പുരസ്കാര ദാന ചടങ്ങ്.

അവാർഡ് നേട്ടത്തിൽ സന്തോഷമുണ്ടെന്നും, പുരസ്കാരം സാഹിത്യത്തെ കൂടുതൽ ഗൗരവത്തോടെ സമീപിക്കേണ്ടതിനെ പറ്റി തന്നെ ബോധവാനാക്കുന്നുവെന്നും ബെന്യാമിൻ ഏഷ്യാനെറ്റ് ന്യൂസിനോട് പറഞ്ഞു. ഇന്നോളം എഴുതിയിട്ടുള്ള നോവലുകൾ എറ്റവും ആത്മാംശമുള്ള നോവലാണ് മാന്തളിരിലെ 20 കമ്മ്യൂണിസ്റ്റ് വർഷങ്ങളെന്നും അദ്ദേഹം കൂട്ടിച്ചേർത്തു. 

വയലാർ അവാർഡ് ജേതാക്കൾ - ( കടപ്പാട് വിക്കിപീഡിയ)

വർഷം	വ്യക്തി	ഗ്രന്ഥം	കുറിപ്പുകൾ
1977	ലളിതാംബിക അന്തർജ്ജനം	അഗ്നിസാക്ഷി
1978	പി.കെ. ബാലകൃഷ്ണൻ	ഇനി ഞാൻ ഉറങ്ങട്ടെ
1979	മലയാറ്റൂർ രാമകൃഷ്ണൻ	യന്ത്രം
1980	തകഴി ശിവശങ്കരപ്പിള്ള	കയർ
1981	വൈലോപ്പിള്ളി ശ്രീധരമേനോൻ	മകരക്കൊയ്ത്ത്
1982	ഒ.എൻ.വി. കുറുപ്പ്	ഉപ്പ്
1983	വിലാസിനി	അവകാശികൾ
1984	സുഗതകുമാരി	അമ്പലമണി
1985	എം.ടി. വാസുദേവൻ നായർ	രണ്ടാമൂഴം
1986	എൻ.എൻ. കക്കാട്	സഫലമീയാത്ര
1987	എൻ. കൃഷ്ണപിള്ള	പ്രതിപാത്രം ഭാഷണഭേദം
1988	തിരുനല്ലൂർ കരുണാകരൻ	തിരുനെല്ലൂർ കരുണാകരന്റെ കവിതകൾ
1989	സുകുമാർ അഴീക്കോട്	തത്ത്വമസി
1990	സി. രാധാകൃഷ്ണൻ	മുൻപേ പറക്കുന്ന പക്ഷികൾ
1991	ഒ. വി. വിജയൻ	ഗുരുസാഗരം
1992	എം.കെ. സാനു	ചങ്ങമ്പുഴ - നക്ഷത്രങ്ങളുടെ സ്നേഹഭാജനം
1993	ആനന്ദ് (പി. സച്ചിദാനന്ദൻ)	മരുഭൂമികൾ ഉണ്ടാകുന്നത്
1994	കെ. സുരേന്ദ്രൻ	ഗുരു (നോവൽ)
1995	തിക്കോടിയൻ	അരങ്ങു കാണാത്ത നടൻ
1996	പെരുമ്പടവം ശ്രീധരൻ	ഒരു സങ്കീർത്തനം പോലെ
1997	മാധവിക്കുട്ടി	നീർമാതളം പൂത്ത കാലം
1998	എസ്. ഗുപ്തൻ നായർ	സൃഷ്ടിയും സ്രഷ്ടാവും
1999	കോവിലൻ	തട്ടകം (നോവൽ)
2000	എം.വി. ദേവൻ	ദേവസ്പന്ദനം
2001	ടി. പദ്മനാഭൻ	പുഴ കടന്നു മരങ്ങളുടെ ഇടയിലേക്ക്
2002	കെ. അയ്യപ്പപ്പണിക്കർ	അയ്യപ്പപ്പണിക്കരുടെ കവിതകൾ	ഇദ്ദേഹം അവാർഡ് ഏറ്റുവാങ്ങാൻ വിസമ്മതിച്ചിരുന്നു
2003	എം. മുകുന്ദൻ	കേശവന്റെ വിലാപം
2004	സാറാ ജോസഫ്	ആലാഹയുടെ പെൺ‌മക്കൾ
2005	കെ.സച്ചിദാനന്ദൻ[4]	സാക്ഷ്യങ്ങൾ
2006	സേതു	അടയാളങ്ങൾ
2007	എം. ലീലാവതി	അപ്പുവിന്റെ അന്വേഷണം
2008	എം.പി. വീരേന്ദ്രകുമാർ	ഹൈമവതഭൂവിൽ
2009	എം. തോമസ് മാത്യു	മാരാർ - ലാവണ്യാനുഭവത്തിന്റെ യുക്തി ശില്പം[5][6]
2010	വിഷ്ണുനാരായണൻ നമ്പൂതിരി	ചാരുലത(കവിതാ സമാഹാരം)[7][8]
2011	കെ.പി. രാമനുണ്ണി	ജീവിതത്തിന്റെ പുസ്തകം[9]
2012	അക്കിത്തം	അന്തിമഹാകാലം[10]
2013	പ്രഭാവർമ്മ	ശ്യാമമാധവം[11]
2014	കെ.ആർ. മീര	ആരാച്ചാർ[12]
2015	സുഭാഷ് ചന്ദ്രൻ	മനുഷ്യന് ഒരു ആമുഖം[13]
2016	യു.കെ. കുമാരൻ	തക്ഷൻകുന്ന് സ്വരൂപം
2017	ടി.ഡി. രാമകൃഷ്ണൻ	സുഗന്ധി എന്ന ആണ്ടാൾ ദേവനായകി[14]
2018	കെ.വി. മോഹൻകുമാർ	ഉഷ്ണരാശി- കരപ്പുറത്തിന്റെ ഇതിഹാസം[15]
2019	വി.ജെ. ജെയിംസ്	നിരീശ്വരൻ[16]
2020	ഏഴാച്ചേരി രാമചന്ദ്രൻ	ഒരു വെർജീനിയൻ വെയിൽകാലം[17]