ലൈഫ് മിഷന്; ശിവശങ്കറിനെ ജയിലിൽ ചോദ്യം ചെയ്യാൻ വിജിലൻസ്, ഹര്ജി നല്കി
Synopsis
കേസില് അഞ്ചാം പ്രതിയായ ശിവശങ്കര് ഇപ്പോൾ കാക്കനാട് ജില്ലാ ജയിലിലാണ്. കോഴപ്പണം നല്കാന് സന്തോഷ് ഈപ്പന് അനധികൃതമായി ഡോളര് വാങ്ങിക്കൂട്ടിയതുമായി ബന്ധപ്പെട്ട്, ആക്സിസ് ബാങ്ക് ഉദ്യോഗസ്ഥരെ വിജിലന്സ് ഇന്ന് ചോദ്യം ചെയ്യും.
എറണാകുളം: ലൈഫ് മിഷന് കേസില് എം ശിവശങ്കറിനെ ജയിലിൽ ചോദ്യം ചെയ്യാന് അനുമതി തേടി വിജിലന്സ് സംഘം എറണാകുളം പ്രിൻസിപ്പൽ സെഷന്സ് കോടതിയിൽ ഹര്ജി നല്കി. കേസില് അഞ്ചാം പ്രതിയായ ശിവശങ്കര് ഇപ്പോൾ കാക്കനാട് ജില്ലാ ജയിലിലാണ്. കോഴപ്പണം നല്കാന് സന്തോഷ് ഈപ്പന് അനധികൃതമായി ഡോളര് വാങ്ങിക്കൂട്ടിയതുമായി ബന്ധപ്പെട്ട്, ആക്സിസ് ബാങ്ക് ഉദ്യോഗസ്ഥരെ വിജിലന്സ് ഇന്ന് ചോദ്യം ചെയ്യും.
വടക്കാഞ്ചേരി പദ്ധതിയുടെ കരാര് നല്കിയതിന് യുഎഇ കോണ്സുലേറ്റിലെ മുന് ചീഫ് അക്കൗണ്ടന്റ് ഖാലിദിന് 3.80 കോടി രൂപ കോഴ നല്കിയെന്ന് സന്തോഷ് ഈപ്പന് മൊഴി നല്കിയിരുന്നു. ഇതില് 3 ലക്ഷം ഡോളര് ആക്സിസ് ബാങ്കിന്റെ വൈറ്റില ശാഖ വഴിയാണ് വാങ്ങിയത്. വിദേശ നാണയ ഇടപാടുകള് നടത്തുന്നവരുമായി ചേര്ന്നാണ് ബാങ്ക് ഉദ്യോഗസ്ഥര് ഇത്രയും ഡോളര് അനധികൃതമായി സംഘടിപ്പിച്ചതെന്നാണ് കണ്ടെത്തിയിരിക്കുന്നത്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam