അടൂരിൽ ഡോക്ടർക്ക് നേരെ തെറി വിളിയും ഭീഷണിയും :  പറക്കോട് സ്വദേശി വിഷ്ണു വിജയൻ പിടിയിൽ,കാപ്പ ചുമത്തി

ഇതിനിടയിൽ പ്രശ്നത്തിൽ ഇടപെട്ട ആളുടെ കണ്ണിൽ വിഷ്ണു മുളക് പൊടി സ്പ്രേ ചെയ്തു. വിഷ്ണു നിരവധി കേസുകളിൽപെട്ടയാൾ ആണ്

പത്തനംതിട്ട :  പത്തനംതിട്ടയിൽ ഡോക്ടർക്ക് നേരെ തെറി വിളിയും ഭീഷണിയും . അടൂർ പറക്കോട് മെഡിക്കൽ സെൻറർ ആശുപത്രിയിൽ ചികിത്സക്കെത്തിയ രോഗിയാണ് തെറി വിളിച്ചത്. ഡോക്ടറെ തെറിവിളിച്ച പറക്കോട് സ്വദേശി വിഷ്ണു വിജയനെ പോലീസ് അറസ്റ്റു ചെയ്തു

വിഷ്ണു ഡോക്ടറോട് ആദ്യം തട്ടിക്കയറി. കിടത്തി ചികിൽസ വേണമെന്ന് ആവശ്യപ്പെട്ടു. കിടത്തി ചികിൽസ ആശുപത്രിയിൽ ഇല്ലെന്ന് പറഞ്ഞതോടെ തട്ടിക്കയറി. പിന്നീട് ഡോക്ടറെ തെറിവിളിച്ചു.

ഇതിനിടയിൽ പ്രശ്നത്തിൽ ഇടപെട്ട ആളുടെ കണ്ണിൽ വിഷ്ണു മുളക് പൊടി സ്പ്രേ ചെയ്തു. വിഷ്ണു നിരവധി കേസുകളിൽപെട്ടയാൾ ആണ്. ഇയാൾക്കെതിരെ കാപ്പാ നിയമം ചുമത്തി.