വെല്ഫയര് പാര്ട്ടി നേതാവ് കെജി മോഹനന് ബിജെപിയില് ചേര്ന്നു
Synopsis
വെല്ഫെയര് പാര്ട്ടിയുടെ മുന് തൃശൂര് ജില്ലാ പ്രസിഡന്റും സംസ്ഥാന കമ്മിറ്റിയംഗവുമായിരുന്ന മോഹനന് കൊടുങ്ങല്ലൂരില് വെച്ച് നടന്ന ചടങ്ങിലാണ് ബി ജെ പി അംഗത്വം സ്വീകരിച്ചത്.
തൃശ്ശൂര്: വെല്ഫെയര് പാര്ട്ടി ഓഫ് ഇന്ത്യയുടെ നേതാവ് കെ ജി മോഹനന് ബി ജെ പിയില് ചേര്ന്നു. ജമാഅത്തെ ഇസ്ലാമിയുടെ രാഷ്ട്രീയ വിഭാഗമായ വെല്ഫെയര് പാര്ട്ടിയുടെ മുന് തൃശൂര് ജില്ലാ പ്രസിഡന്റും സംസ്ഥാന കമ്മിറ്റിയംഗവുമായിരുന്ന മോഹനന് കൊടുങ്ങല്ലൂരില് വെച്ച് നടന്ന ചടങ്ങിലാണ് ബി ജെ പി അംഗത്വം സ്വീകരിച്ചത്. ബി ജെ പി വക്താവ് ബി. ഗോപാലകൃഷ്ണനാണ് മോഹനന് അംഗത്വം നല്കി ബിജെപിയിലേക്ക് സ്വീകരിച്ചത്.
2016 ലെ നിയമസഭാ തെരഞ്ഞെടുപ്പില് തൃശ്ശൂരിലെ ഗുരുവായൂര് മണ്ഡലത്തില് നിന്ന് മോഹനന് വെല്ഫയര് പാര്ട്ടി സ്ഥാനാര്ത്ഥിയായി മല്സരിച്ചിരുന്നു. കഴിഞ്ഞവര്ഷം മാര്ച്ചിലാണ് ഇദ്ദേഹത്തെ സംസ്ഥാന കമ്മിറ്റിയംഗമായി തെരഞ്ഞെടുത്തത്. ഈ മാര്ച്ചില് പാര്ട്ടി വിടുകയും പിന്നാലെയാണ് ബി ജെ പിയില് ചേരുകയായിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam