'ഫോഴ്സ് ഉപയോഗിച്ചാല് കുറെ ഉപയോഗിക്കേണ്ടിവരും', രാഹുല് മാങ്കൂട്ടത്തിലിന് വൈദ്യപരിശോധന, നാടകീയ രംഗങ്ങള്
Synopsis
വൈദ്യപരിശോധനയ്ക്കായി ഫോര്ട്ട് ആശുപത്രിയില് എത്തിച്ചപ്പോഴും പ്രതിഷേധവുമായി പ്രവര്ത്തകര് രംഗത്തെത്തി. അതേസമയം അറസ്റ്റിനെതിരെ വ്യാപക പ്രതിഷേധമാണ് ഉയരുന്നത്. സര്ക്കാരിനും പൊലീസിനുമെതിരെ രൂക്ഷ വിമര്ശനവുമായി കോണ്ഗ്രസ് നേതാക്കള് രംഗത്തെത്തി.അതിരാവിലെ വീട് വളഞ്ഞ് അറസ്റ്റ് ചെയ്യാൻ രാഹുൽ രാജ്യദ്രോഹിയോ തീവ്രവാദിയോ അല്ലെന്ന് വിഡി സതീശന് പറഞ്ഞു.
തിരുവനന്തപുരം: സെക്രട്ടറിയേറ്റ് മാര്ച്ചുമായി ബന്ധപ്പെട്ട അക്രമ കേസില് അറസ്റ്റിലായ യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിനെ തിരുവനന്തപുരത്തെത്തിച്ചു. ആടൂരില്നിന്ന് പുലര്ച്ചെ അറസ്റ്റ് ചെയ്ത് പൊലീസ് രാവിലെ പത്തോടെയാണ് രാഹുലിനെ കന്റോണ്മെന്റ് സ്റ്റേഷനിലെത്തിച്ചത്. സ്റ്റേഷനില്നിന്ന് വൈദ്യ പരിശോധനക്കായി ഫോര്ട്ട് ആശുപത്രിയിലേക്ക് കൊണ്ടുപോവുകയായിരുന്നു. സ്റ്റേഷനില് വച്ച് മാധ്യമങ്ങളോട് സംസാരിക്കുന്നത് പൊലീസ് തടഞ്ഞു. ഫോഴ്സ് ഉപയോഗിച്ചാല് കുറെ ഉപയോഗിക്കേണ്ടിവരുമെന്നും ഇതുവരെ താന് സഹകരിച്ചുവെന്നും രാഹുല് പലതവണ പറഞ്ഞിട്ടും എസ്ഐ ബലം പ്രയോഗിച്ച് ജീപ്പിലേക്ക് കയറ്റുകയായിരുന്നു. എസ്ഐയും രാഹുലും തമ്മില് വാക്കേറ്റമുണ്ടായി.
ഇതിനുശേഷം വൈദ്യപരിശോധനയ്ക്കായി ഫോര്ട്ട് ആശുപത്രിയിലേക്ക് കൊണ്ടുപോയെങ്കിലും അവിടെയും പ്രതിഷേധമുണ്ടായി. പ്രവര്ത്തകര് പൊലീസ് വാഹനം തടഞ്ഞ് പ്രതിഷേധിച്ചതോടെയാണ് സംഘര്ഷമുണ്ടായത്. പൊലീസ് ഇടപെട്ട് പ്രവര്ത്തകരെ മാറ്റിയാണ് രാഹുല് മാങ്കൂട്ടത്തിലിനെ കോടതിയിലേക്ക് കൊണ്ടുപോയത്. ഉടന് തന്നെ കോടതിയില് ഹാജരാക്കും.അതേസമയം, രാഹുല് മാങ്കൂട്ടത്തിലിന്റെ അറസ്റ്റിനെതിരെ വ്യാപക പ്രതിഷേധമാണ് ഉയരുന്നത്. സര്ക്കാരിനും പൊലീസിനുമെതിരെ രൂക്ഷ വിമര്ശനവുമായി നേതാക്കള് രംഗത്തെത്തി.
അതിരാവിലെ വീട് വളഞ്ഞ് അറസ്റ്റ് ചെയ്യാൻ രാഹുൽ രാജ്യദ്രോഹിയോ തീവ്രവാദിയോ അല്ലെന്ന് വിഡി സതീശന് പറഞ്ഞു. ആറ് വയസുകാരിയെ ക്രൂരമായി പീഡിപ്പിച്ച് കൊന്നവന് രക്ഷപ്പെടാൻ വഴിയൊരുക്കിയ അതേ പോലീസും പാർട്ടിയും സർക്കാരുമാണ് മറുഭാഗത്ത് ഭരണകൂട ഭീകരതയുടെ വ്യക്താക്കളാകുന്നതെന്നും സതീശന് ആരോപിച്ചു. പ്രതിഷേധം വ്യാപിപ്പിക്കാൻ യൂത്ത് കോൺഗ്രസ് തീരുമാനിച്ചു. ഇന്ന് രാവിലെ രാവിലെ 11 മണിക്ക് എല്ലാ ജില്ലാ കേന്ദ്രങ്ങളിലും പ്രതിഷേധ മാർച്ച് നടത്തും. ഇതിനിടെ ചവറ പൊലീസ് സ്റ്റേഷന് യൂത്ത് കോണ്ഗ്രസ് പ്രവര്ത്തകര് ഉപരോധിച്ചു. കെപിസിസി അധ്യക്ഷന് കെ സുധാകരന്, രമേശ് ചെന്നിത്തല, കെസി വേണുഗോപാല്, ബെന്നി ബെഹ്നാന്, ഷാഫി പറമ്പില് എഎല്എ, പികെ കുഞ്ഞാലിക്കുട്ടി, യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് അഡ്വ. അബിന് വര്ക്കി തുടങ്ങിയവര് പൊലീസിനെതിരെയും സര്ക്കാരിനെതിരെയും രൂക്ഷ വിമര്ശനമാണ് നടത്തിയത്. കേരളത്തിലെ പൊലീസ് രാജിന്റെ ഉദാഹരണമെന്ന് കെസി വേണുഗോപാല് ആരോപിച്ചു. സര് സിപിയെപ്പോലും ലജ്ജിപ്പിക്കുന്ന കിരാത നടപടിയാണ് യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിന്റെ നാടകീയമായ അറസ്റ്റെന്ന് കെപിസിസി പ്രസിഡന്റ് കെ സുധാകരന് എംപി ആരോപിച്ചു.
അതിരാവിലെ വീട് വളഞ്ഞ് അറസ്റ്റ് ചെയ്യാൻ രാഹുൽ രാജ്യദ്രോഹിയോ തീവ്രവാദിയോ അല്ലെന്ന് വിഡി സതീശന് പറഞ്ഞു. ആറ് വയസുകാരിയെ ക്രൂരമായി പീഡിപ്പിച്ച് കൊന്നവന് രക്ഷപ്പെടാൻ വഴിയൊരുക്കിയ അതേ പോലീസും പാർട്ടിയും സർക്കാരുമാണ് മറുഭാഗത്ത് ഭരണകൂട ഭീകരതയുടെ വ്യക്താക്കളാകുന്നതെന്നും സതീശന് ആരോപിച്ചു. പ്രതിഷേധം വ്യാപിപ്പിക്കാൻ യൂത്ത് കോൺഗ്രസ് തീരുമാനിച്ചു. ഇന്ന് രാവിലെ രാവിലെ 11 മണിക്ക് എല്ലാ ജില്ലാ കേന്ദ്രങ്ങളിലും പ്രതിഷേധ മാർച്ച് നടത്തും. ഇതിനിടെ ചവറ പൊലീസ് സ്റ്റേഷന് യൂത്ത് കോണ്ഗ്രസ് പ്രവര്ത്തകര് ഉപരോധിച്ചു. കെപിസിസി അധ്യക്ഷന് കെ സുധാകരന്, രമേശ് ചെന്നിത്തല, കെസി വേണുഗോപാല്, ബെന്നി ബെഹ്നാന്, ഷാഫി പറമ്പില് എഎല്എ, പികെ കുഞ്ഞാലിക്കുട്ടി, യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് അഡ്വ. അബിന് വര്ക്കി തുടങ്ങിയവര് പൊലീസിനെതിരെയും സര്ക്കാരിനെതിരെയും രൂക്ഷ വിമര്ശനമാണ് നടത്തിയത്. കേരളത്തിലെ പൊലീസ് രാജിന്റെ ഉദാഹരണമെന്ന് കെസി വേണുഗോപാല് ആരോപിച്ചു.
യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തില് അറസ്റ്റില്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam