Malayalam Poem : ദ്വീപ്, രാജു കാഞ്ഞിരങ്ങാട് എഴുതിയ കവിത

 ചില്ല, എഴുത്തിന്റെ ചിറകനക്കങ്ങള്‍. രാജു കാഞ്ഞിരങ്ങാട് എഴുതിയ കവിത

ചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും

.....................

ഞാനൊരു ദ്വീപെന്ന്
അവള്‍ നോവുന്നു,
എത്തിപ്പിടിച്ചെന്നു തോന്നുമ്പോള്‍
അകന്നു പോകുന്നൊരു ദ്വീപ്.

Also Read : ന്നു-ന്നു- ന്നു- ന്നു -ന്നു, സുരേഷ് നാരായണന്‍ എഴുതിയ കവിതകള്‍

........................

ജീവിതത്തിന്റെ ഭിന്ന സംഖ്യകളെ
ചേര്‍ത്തുവെയ്ക്കാന്‍ ശ്രമിക്കുന്ന
ഒരു കര്‍ക്കിടക പെയ്ത്താണ് ഞാനെന്ന്
അവള്‍ക്കറിയില്ലല്ലോ

പൊരുന്നയിരിക്കുന്ന കോഴിയാണ്
ജീവിതം
കൊത്തിയകറ്റുവാന്‍ ശ്രമിക്കുന്നുണ്ട്
കഷ്ടപ്പാടിന്റെ കറുത്ത കൈകളെ,
എന്നിട്ടും!

.........................

രൂപാന്തരപ്പെടാറുണ്ട് ഞാന്‍
ഓരോ ഋതുവിലും
നിന്നില്‍ ഓളത്തുടിപ്പായി
ഓര്‍മ്മപ്പെരുക്കമായി

എന്നിട്ടും ;
പരിഭവത്തിന്റെ
പെരുമലയുമായി നീ വരുമ്പോള്‍
ഒരിളം തെന്നലായ് ഞാന്‍ തഴുകുന്നല്ലോ
കര കവിയുന്ന കര്‍ക്കിടകമെങ്കിലും
കവിതയായ് നിന്നില്‍ കതിരിടുന്നല്ലോ

ഇവിടെ ക്ലിക്ക് ചെയ്താല്‍ വായിക്കാം, മികച്ച കഥകള്‍, മികച്ച കവിതകള്‍...