വീട്ടില് പ്രസവിച്ച് 30കാരി; രക്ഷകരായി കനിവ് ആംബുലന്സ് ജീവനക്കാര്
Synopsis
ആശുപത്രിയിലേക്ക് മാറ്റാന് ശ്രമിക്കവെ യുവതി കുഞ്ഞിന് ജന്മം നല്കുകയായിരുന്നുവെന്ന് ബന്ധുക്കൾ.
തിരുവനന്തപുരം: വീട്ടില് പ്രസവിച്ച യുവതിക്കും കുഞ്ഞിനും രക്ഷകരായി കനിവ് 108 ആംബുലന്സ് ജീവനക്കാര്. നെടുമങ്ങാട് കുളപ്പട സ്വദേശിനിയായ 30കാരിയാണ് വീട്ടില് ആണ് കുഞ്ഞിന് ജന്മം നല്കിയത്. വ്യാഴാഴ്ച രാവിലെ 6.45നാണ് സംഭവം.
പ്രസവ വേദന അനുഭവപ്പെട്ടതിനെ തുടര്ന്ന് വീട്ടുകാര് ആശുപത്രിയിലേക്ക് മാറ്റാന് ശ്രമിക്കവെ യുവതി കുഞ്ഞിന് ജന്മം നല്കുകയായിരുന്നു. ഉടന് വീട്ടുകാര് കനിവ് 108 ആംബുലന്സിന്റെ സേവനം തേടി. കണ്ട്രോള് റൂമില് നിന്ന് വിവരം നെടുമങ്ങാട് ജില്ലാ ആശുപത്രിയിലെ 108 ആംബുലന്സിന് കൈമാറി. വിവരം അറിഞ്ഞ് ആംബുലന്സ് ഡ്രൈവര് സന്തോഷ് കുമാര്, എമര്ജന്സി മെഡിക്കല് ടെക്നീഷ്യന് വിനു. വി എന്നിവര് ഉടന് സ്ഥലത്തെത്തി.
ശേഷം വിനു അമ്മയും കുഞ്ഞുമായുള്ള ബന്ധം വേര്പ്പെടുത്തി ഇരുവര്ക്കും വേണ്ട പ്രഥമ ശുശ്രൂഷ നല്കിയ ശേഷം ആംബുലന്സിലേക്ക് മാറ്റി. തുടര്ന്ന് ഇരുവരെയും നെടുമങ്ങാട് ജില്ലാ ആശുപത്രിയില് എത്തിക്കുകയായിരുന്നു. അമ്മയും കുഞ്ഞും സുഖമായി ഇരിക്കുന്നതായി ബന്ധുക്കള് അറിയിച്ചു.
'അന്നദാതാവാണ്, പരിഗണന നല്കണം'; 10 നിര്ദേശങ്ങള്, വമ്പന് മാറ്റങ്ങള്ക്കൊരുങ്ങി കെഎസ്ആര്ടിസി
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam