സ്കൂട്ടറിൽ കഞ്ചാവ് കടത്താൻ ശ്രമം; 19 കാരൻ പിടിയിൽ, ഐടിഐയിലെ വിദ്യാർത്ഥി പിടിയിലായത് 2 കിലോ കഞ്ചാവുമായി
Synopsis
ഇടുക്കി രാജാക്കാട് സ്വദേശി അഭിനന്ദ് ആണ് പിടിയിലായത്. രാജാക്കാട് സര്ക്കാര് ഐ ടി ഐയിലെ വിദ്യാർത്ഥിയാണ് ഇയാൾ.
ഇടുക്കി: ഇടുക്കിയില് രണ്ട് കിലോ കഞ്ചാവുമായി 19 കാരൻ പിടിയിൽ. ഇടുക്കി രാജാക്കാട് സ്വദേശി അഭിനന്ദ് ആണ് പിടിയിലായത്. രാജാക്കാട് സര്ക്കാര് ഐ ടി ഐയിലെ വിദ്യാർത്ഥിയാണ് ഇയാൾ. അടിമാലി ഇരുമ്പ് പാലത്തിന് സമീപം എക്സൈസ് നർക്കോട്ടിക് എൻഫോഴ്സ്മെന്റ് സ്ക്വാഡ് നടത്തിയ പരിശോധനയിലാണ് കഞ്ചാവ് പിടിച്ചെടുത്തത്.
പെരുമ്പാവൂരിൽ നിന്ന് അതിഥിത്തൊഴിലാളികൾ വഴിയെത്തിച്ച കഞ്ചാവ് രാജാക്കാട് ചില്ലറ വിൽപ്പനയ്ക്കായി കൊണ്ടുപോകുമ്പാഴായിരുന്നു അഭിനന്ദ് പിടിയിലായത്. ഇയാൾ കഞ്ചാവ് കടത്താനുപയോഗിച്ച ഇരുചക്രവാഹനവും കസ്റ്റഡിയിലെടുത്തിട്ടുണ്ട്. നേരത്തെയും അഭിനന്ദ് സമാന രീതിയിൽ കഞ്ചാവ് കടത്തിയിരുന്ന ആളാണെന്ന് എക്സൈസ് ഉദ്യോഗസ്ഥർ പറഞ്ഞു. ഏറെ നാളായി എക്സൈസ് സംഘത്തിൻ്റെ നിരീക്ഷണത്തിലായിരുന്നു ഇയാൾ. പ്രതിക്കെതിരെ പോക്സോ കേസില് ഉള്പ്പെടെ നിലവിലുണ്ടെന്നാണ് എക്സൈസ് ഉദ്യോഗസ്ഥര് പറയുന്നത്. കോടതിയിൽ ഹാജരാക്കിയ അഭിനന്ദിനെ റിമാൻഡ് ചെയ്തു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam