കവറിലും സ്കൂട്ടറിന്‍റെ സീറ്റിനടിയിലും ഒളിപ്പിച്ച നിലയിൽ മലപ്പുറത്ത് 30 ലിറ്റർ വിദേശമദ്യം പിടികൂടി, ഒരാൾ പിടിയിൽ

മലപ്പുറം പാണ്ടിക്കാട് വെന്തോടൻപടിയിൽ കാളികാവ് എക്സൈസ് നടത്തിയ പരിശോധനയിലാണ് എടത്തനാട്ടുകര ഏലംകുളയൻ ഷമീർ ബാബു പിടിയിലായത്.

മലപ്പുറം: തെരഞ്ഞെടുപ്പ് വിജയാഘോഷത്തിനായി സ്കൂട്ടറിൽ കൊണ്ടുവരികയായിരുന്ന 30 ലിറ്റർ വിദേശ മദ്യം പിടികൂടി. മലപ്പുറം പാണ്ടിക്കാട് വെന്തോടൻപടിയിൽ കാളികാവ് എക്സൈസ് നടത്തിയ പരിശോധനയിലാണ് എടത്തനാട്ടുകര ഏലംകുളയൻ ഷമീർ ബാബു പിടിയിലായത്. കവറിലും സീറ്റിന് അടിയിലും മദ്യക്കുപ്പികൾ ഒളിപ്പിച്ച നിലയിലായിരുന്നു മദ്യം സൂക്ഷിച്ചിരുന്നത്.