വീട്ടുവളപ്പിലെ ഔട്ട് ഹൗസിൽ പരിശോധന, കരിപ്പൂര് എസ്എച്ച്ഒ താമസിച്ചിരുന്ന മുറിയിൽ നിന്നടക്കം എംഡിഎംഎ പിടിച്ചെടുത്തു, നാലുപേര് പിടിയിൽ
Synopsis
മലപ്പുറം കരിപ്പൂരിൽ 40 ഗ്രാം എംഡിഎംഎ പിടികൂടി. കരിപ്പൂര് സ്വദേശി മുഹമ്മദ് കബീറിന്റെ വീട്ടുവളപ്പിലെ ഔട്ട് ഹൗസിൽ നിന്നാണ് എംഡിഎംഎ വേട്ട. ഔട്ട് ഹൗസിനോട് ചേര്ന്നുള്ള മുറിയിൽ നേരത്തെ കരിപ്പൂര് എസ്എച്ച് ഒ താമസിച്ചിരുന്നു.
മലപ്പുറം:മലപ്പുറം കരിപ്പൂരിൽ 40 ഗ്രാം എംഡിഎംഎ പിടികൂടി. കരിപ്പൂര് സ്വദേശി മുഹമ്മദ് കബീറിന്റെ വീട്ടുവളപ്പിലെ ഔട്ട് ഹൗസിൽ നിന്നാണ് എംഡിഎംഎ വേട്ട. ഔട്ട് ഹൗസിനോട് ചേര്ന്നുള്ള മുറിയിൽ നേരത്തെ കരിപ്പൂര് എസ്എച്ച് ഒ താമസിച്ചിരുന്നു. അവിടെ നിന്ന് രണ്ട് ഗ്രാം എംഡിഎംഎയും കണ്ടെടുത്തു. നിലവിൽ നാലുപേര് പൊലീസിന്റെ പിടിയിലായിട്ടുണ്ട്. കേസിൽ വീട്ടുടമ കബീര് ഉള്പ്പെടെ നാലുപേരെയാണ് പൊലീസ് പിടികൂടിയത്. നാര്കോടിക് ഡിവൈഎസ്പി യുടെ നേതൃത്വത്തിലായിരുന്നു റെയ്ഡ്. കെട്ടിട ഉടമയും കരിപ്പൂർ സ്വദേശിയുമായ മുഹമ്മദ് കബീറിന് പുറമെ എറണാകുളം പള്ളുരുത്തി സ്വദേശി സാദത്ത്, വേങ്ങര സ്വദേശി ഹർഷദ് അലി, കോഴിക്കോട് പന്തീരങ്കാവ് സ്വദേശി നിസാർ റഹ്മാൻ എന്നിവരാണ് പിടിയിലായത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam