ആദിവാസി യുവതിയെ കയറിപ്പിടിച്ച് പീഡിപ്പിക്കാന് ശ്രമം, മാനന്തവാടിയിൽ 57-കാരൻ അറസ്റ്റില്
Synopsis
വയനാട്ടില് ആദിവാസി യുവതിയെ പീഡിപ്പിക്കാന് ശ്രമിച്ചെന്ന പരാതിയില് ഒരാളെ പൊലീസ് അറസ്റ്റ് ചെയ്തു
മാനന്തവാടി: വയനാട്ടില് ആദിവാസി യുവതിയെ പീഡിപ്പിക്കാന് ശ്രമിച്ചെന്ന പരാതിയില് ഒരാളെ പൊലീസ് അറസ്റ്റ് ചെയ്തു. എടവക പഞ്ചായത്ത് പരിധിയിലെ 23 വയസുകാരിയായ യുവതിയെ പീഡിപ്പിക്കാന് ശ്രമിച്ച കേസില് വാളേരി മാറാച്ചേരിയില് മത്തായി എന്ന എംവി ജെയിംസ് (57) ആണ് അറസ്റ്റിലായത്.
എസ്എംഎസ് ഡിവൈഎസ്പി പികെ സന്തോഷും സംഘവുമാണ് അറസ്റ്റ് ചെയ്തത്. യുവതിയെ ജെയിംസ് കയറിപ്പിടിച്ചെന്നും, പീഡിപ്പിക്കാന് ശ്രമിച്ചെന്നുമാണ് പരാതി. തുടര്ന്ന് പ്രാണരക്ഷാര്ഥം താന് ഒരു വീട്ടില് ഓടിക്കയറുകയായിരുന്നെന്നുമാണ് യുവതി പൊലീസിന് നല്കിയ പരാതി. എസ്സി, എസ്.ടി. സംരക്ഷണ നിയമം ഉള്പ്പെടെയുള്ള വകുപ്പുകള് പ്രതിക്കെതിരെ പൊലീസ് ചുമത്തിയിട്ടുണ്ട്.
Read more; കഴക്കൂട്ടം പൊലീസ് സ്റ്റേഷനു മുന്നിൽ പെട്രോൾ കുപ്പിയുമായി ആത്മഹത്യാ ഭീഷണി, രക്ഷക്കെത്തി പൊലീസ്
അതേസമയം, ലേഡീസ് ഹോസ്റ്റലില് പേയിംഗ് ഗസ്റ്റായി താമസിച്ചിരുന്ന പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച കേസില് യുവാക്കളും ഹോസ്റ്റല് നടത്തിപ്പുകാരിയും അറസ്റ്റില്. റാന്നി മുക്കാലുമണ് കാരിക്കുളം പട്ടായില് വീട്ടില് സാലിയുടെ മകന് ആദര്ശ് (19), ആലപ്പുഴ വള്ളിക്കുന്നം കലവറശ്ശേരി വീട്ടില് താജുദ്ദീന്റെ മകള് സുല്ത്താന (33), പത്തനംതിട്ട വടശ്ശേരിക്കര മേപ്പുറത്ത് വീട്ടില് സാലിയുടെ മകന് സ്റ്റെഫിന് (19) എന്നിവരെയാണ് പത്തനംതിട്ടയില് നിന്നും കടവന്ത്ര പൊലീസ് പിടികൂടിയത്.
രഹസ്യവിവരത്തിന്റെ അടിസ്ഥാനത്തില് കൊച്ചി സിറ്റി പോലീസ് കമ്മീഷണര് കെ.സേതുരാമന്റെ നിര്ദ്ദേശപ്രകാരം കൊച്ചി സിറ്റി ഡെപ്യൂട്ടി പൊലീസ് കമ്മീഷണര് എസ്.ശശിധരന്റെ മേല്നോട്ടത്തില് കടവന്ത്ര സ്റ്റേഷന് ഇന്സ്പെക്ടര് സിബി ടോമിന്റെ നേതൃത്വത്തില് സബ്ബ് ഇന്സ്പെക്ടറായ മിഥുന് മോഹന്, സീനിയര് സിവില് പോലീസ് ഓഫീസര്മാരായ അനീഷ്, രതീഷ്, അനില്കുമാര്, പ്രവീണ്, സിനി എന്നിവരടങ്ങിയ സംഘമാണ് പ്രതികളെ പിടികൂടിയത്.
ഇവര്ക്ക് ലഹരി മാഫിയയുമായി ബന്ധമുണ്ടോ എന്ന വിവരവും അന്വേഷിക്കുന്നുണ്ടെന്ന് പൊലീസ് അറിയിച്ചു. സംസ്ഥാനത്തിന്റെ വിവിധ ഭാഗങ്ങളില് നിന്നും പഠനസംബന്ധമായി കൊച്ചിയില് എത്തി ഹോസ്റ്റലുകളില് താമസിക്കുന്ന പെണ്കുട്ടികളെ നടത്തിപ്പുകാര് ലഹരി മരുന്നു മാഫിയയുടെ ഒത്താശയോടെ ചൂഷണം ചെയ്ത് വരുന്നതായി പൊലീസ് പറഞ്ഞു.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം