വിവിധ ജില്ലകളിലായി വാടകവീടെടുത്ത് താമസിക്കും, പിന്നെ ആ പ്രദേശത്ത് മോഷണ പരമ്പര, പിടിയിലായത് നൂറിലധികം മോണഷ കേസുകളിലെ പ്രതി

Published : Nov 18, 2026, 10:09 AM IST
Thief arrest

Synopsis

വിവിധ ജില്ലകളിലായി നൂറിലേറെ മോഷണക്കേസുകളിൽ പ്രതിയായ തേഞ്ഞിപ്പലം സ്വദേശി സൈനുദ്ദീനെ മഞ്ചേരി പൊലീസ് അറസ്റ്റ് ചെയ്തു. ആളില്ലാത്ത വീടുകൾ കണ്ടെത്തി മോഷണം നടത്തുകയും ശേഷം ആഡംബര ജീവിതം നയിക്കുകയുമായിരുന്നു ഇയാളുടെ രീതി.

മലപ്പുറം: വിവിധ ജില്ലകളിലായി നൂറിലേറെ മോഷണക്കേസുകളില്‍ പ്രതിയായ മോഷ്ടാവിനെ മഞ്ചേരി പൊലീസ് പിടികൂടി. തേഞ്ഞിപ്പലം സ്വദേശി കിഴക്കേക്കോട്ടായി പാലക്കാട്ടു വീട്ടില്‍ സൈനുദ്ദീനാണ് (43) അറസ്റ്റിലായത്. മഞ്ചേരി നഗരത്തില്‍ വീട് വാടകയ്‌ക്കെടുത്ത് താമസിച്ചായിരുന്നു ഇയാള്‍ മോഷണം നടത്തിവന്നിരുന്നത്. ആളില്ലാത്ത വീടുകള്‍ മാത്രം കണ്ടെത്തി മോഷണം നടത്തുന്നതായിരുന്നു പ്രതിയുടെ രീതി.ഒരു പ്രദേശത്ത് മോഷണം നടത്തിയ ശേഷം മറ്റൊരു ജില്ലയിലേക്ക് കടക്കുകയും അവിടെ ആഡംബര ജീവിതം നയിക്കുകയും ചെയ്യുന്നതായിരുന്നു ഇയാളുടെ പതിവ്.

മോഷണത്തിലൂടെ ലഭിക്കുന്ന പണം ഉപയോഗിച്ച് ആര്‍ഭാട ജീവിതം നയിച്ചിരുന്ന പ്രതി, പൊലീസ് അന്വേഷണം ശക്തമാകുമ്പോള്‍ താമസസ്ഥലം മാറുകയായിരുന്നു. വിവിധ ജില്ലകളിലായി നൂറിലധികം കേസുകള്‍ ഇയാളുടെ പേരിലുണ്ടെന്ന് പൊലീസ് അറിയിച്ചു.മഞ്ചേരിയിലെ കരുവമ്പ്രം, നറുകര മേഖലകളില്‍ അടുത്തിടെ വ്യാപകമായി മോഷണം നടന്നിരുന്നു. ഈ സംഭവങ്ങളുമായി ബന്ധപ്പെട്ട അന്വേഷണത്തിനിടെയാണ് പ്രതിയെക്കുറിച്ച് പൊലീസിന് സൂചന ലഭിച്ചത്. പ്രദേശങ്ങളിലെ സി.സി.ടി.വി ദൃശ്യങ്ങള്‍ പരിശോധിച്ചതും സമാന രീതിയില്‍ മോഷണം നടത്തിയ സംഭവങ്ങളുടെ വിവരങ്ങള്‍ ശേഖരിച്ചതും അന്വേഷണത്തില്‍ നിര്‍ണായകമായി. തുടര്‍ന്നുള്ള അന്വേഷണത്തിലാണ് സൈനുദ്ദീനെ തിരിച്ചറിഞ്ഞത്.

മോഷണം നടത്തിയ ശേഷം ജില്ലകള്‍ മാറി താമസിക്കുന്നതിനാല്‍ പ്രതിയെ കണ്ടെത്താന്‍ പൊലീസ് പ്രത്യേക അന്വേഷണം നടത്തിവരികയായിരുന്നു. ഒടുവില്‍ മഞ്ചേരി പൊലീസിന്റെ നേതൃത്വത്തില്‍ നടത്തിയ നീക്കത്തിലാണ് ഇയാള്‍ പിടിയിലായത്. മോഷണത്തിന് ഉപയോഗിച്ച രീതികളും ഇയാള്‍ക്ക് മറ്റു ജില്ലകളിലുള്ള കേസുകളുമായുള്ള ബന്ധവും പൊലീസ് പരിശോധിക്കുന്നുണ്ട്. മഞ്ചേരി സ്റ്റേഷന്‍ ഇന്‍സ്‌പെക്ടര്‍ ടി.ജി. ദിലീപിന്റെ നേതൃത്വത്തില്‍ സബ് ഇന്‍സ്‌പെക്ടര്‍ ശിശിര ശശികുമാറാണ് പ്രതിയെ അറസ്റ്റ് ചെയ്തത്. ഉബൈദുല്ല, സാലിം, ധനേഷ്, ബിജു, മുജീബ് എന്നിവരും സൈബര്‍ വിഭാഗവും അന്വേഷണത്തില്‍ പങ്കാളികളായി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

PP
About the Author

Prabeesh PP

2017 മുതല്‍ ഏഷ്യാനെറ്റ് ന്യൂസ് ഓണ്‍ലൈനില്‍ പ്രവര്‍ത്തിക്കുന്നു. നിലവില്‍ ചീഫ് സബ് എഡിറ്റര്‍. ഡെവലപ്മെന്റ്റ് സ്റ്റഡീസിൽ ബിരുദാനന്തര ബിരുദവും ജേണലിസത്തില്‍ പോസ്റ്റ് ഗ്രാജുവേറ്റ് ഡിപ്ലോമയും നേടി. പ്രാദേശിക, കേരള, ദേശീയ അന്താരാഷ്ട്ര വാർത്തകൾ, സംസ്ഥാന, ദേശീയ, അന്താരാഷ്ട്ര വാര്‍ത്തകളും എന്റര്‍ടെയിന്‍മെന്റ്, ആരോഗ്യം തുടങ്ങിയ വിഷയങ്ങളിലും എഴുതുന്നു. ഒരു പതിറ്റാണ്ട് പിന്നിട്ട മാധ്യമപ്രവര്‍ത്തന കാലയളവില്‍ നിരവധി ഗ്രൗണ്ട് റിപ്പോര്‍ട്ടുകള്‍, ന്യൂസ് സ്റ്റോറികള്‍, ഫീച്ചറുകള്‍, അഭിമുഖങ്ങള്‍, ലേഖനങ്ങള്‍ തുടങ്ങിയവ പ്രസിദ്ധീകരിച്ചു. പ്രിന്റ്, വിഷ്വല്‍, ഡിജിറ്റല്‍ മീഡിയകളില്‍ പ്രവര്‍ത്തനപരിചയം. മെയില്‍: prabeesh@asianetnews.inRead More...
Read more Articles on
click me!

Recommended Stories

വ്യാജ ഇ-ചെലാന്‍ സന്ദേശമയച്ച് യുവാവിന്‍റെ അക്കൗണ്ടില്‍ നിന്ന് തട്ടിയെടുത്തത് 44,600 രൂപ
പകൽ മാന്യനായ വസ്ത്രവ്യാപാരി, രാത്രി മഞ്ചേരിയെ വിറപ്പിക്കുന്ന മോഷ്ടാവ്, സ്വന്തമായി കോടികളുടെ ആഡംബര വീട്