
കൊല്ലം: ഒരു നാടിന്റെ കാവൽക്കാരനായ തെരുവുനായ തോമസിന്റെ പന്ത്രണ്ടാം ജന്മദിനം കേക്ക് മുറിച്ചും ബിരിയാണി വിതരണം ചെയ്തും ആഘോഷമാക്കി കൊല്ലം ഇരവിപുരം കെട്ടിടമൂടിലെ നാട്ടുകാർ. ജന്മദിനാശംസകളുമായി ഫ്ലക്സും അടിച്ചു. മൽസ്യത്തൊഴിലാളിയായ ഡാൽഫിന്റെ പൊന്നോമനയാണ് തോമസ്.
12 വർഷം മുൻപ് തീരപ്രദേശത്തെ പാറക്കെട്ടിൽ നിന്ന് കിട്ടിയതാണ് തോമസിനെ. അന്നുമുതൽ ഡാൽഫിന്റെ കുടുംബാംഗമാണ് തോമസ്. ഫ്ലക്സടിച്ച് വിളംബരം ചെയ്ത് നടത്തിയ പിറന്നാൾ ആഘോഷം ഒരു നാടിന്റെ സന്തോഷമായി മാറി. ബീച്ചിലെത്തിയ സഞ്ചാരികളും കേക്ക് കഴിച്ച് പങ്കാളികളായി. നാട്ടുകാർക്കായി ഒരുക്കിയത് നൂറു പൊതി ബിരിയാണിയാണ്. ഷിബു, മുത്തപ്പൻ, ബ്രൂണോ എന്നീ തെരുവു നായകളും കെട്ടിട മൂട് ദേശക്കാരുടെ കാവൽക്കാരാണ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam