അച്ചൻകോവിലാറ്റിൽ കാണാതായ 47കാരന്റെ മൃതദേഹം കണ്ടെത്തി

കെട്ടിട നിർമാണതൊഴിലാളിയായിരുന്ന ഇയാൾ വൈകിട്ട് കുളിക്കാനായി ആറ്റിലെത്തിയപ്പോൾ കാൽ വഴുതി വെള്ളത്തിലേക്ക് വീഴുകയായിരുന്നു. 

മാന്നാർ: അച്ചൻകോവിലാറ്റിൽ കുളിക്കാനിറങ്ങി കാണാതായ 47കാരന്റെ മൃതദേഹം കണ്ടെത്തി. ബുധനൂർ പഞ്ചായത്ത് ഉളുന്തി വിജയ ഭവനത്തിൽ പരേതനായ സി കെ ചെല്ലപ്പൻ്റ മകൻ വിജയൻ്റെ മൃതദേഹമാണ് കണ്ടെത്തിയത്.  ചൊവ്വാഴ്ച രാത്രി 7.30 നാണ് സംഭവം. കെട്ടിട നിർമാണതൊഴിലാളിയായിരുന്ന ഇയാൾ വൈകിട്ട് കുളിക്കാനായി ആറ്റിലെത്തിയപ്പോൾ കാൽ വഴുതി വെള്ളത്തിലേക്ക് വീഴുകയായിരുന്നു. 

മാവേലിക്കര, ചെങ്ങന്നൂർ എന്നിവിടങ്ങളിലെ ഫയർഫോഴ്സ് സംഘവും, മാന്നാർ പൊലീസും, നാട്ടുകാരും ചേർന്ന് നടത്തിയ തെരച്ചിലിൽ ഇന്ന് രാവിലെ മൃതദേഹം കടവിൽ നിന്നും കണ്ടെത്തുക ആയിരുന്നു.