വീട്ടുകാർക്കൊപ്പം കായലില് കുളിക്കുന്നതിനിടെ ഒമ്പതാം ക്ലാസ് വിദ്യാര്ത്ഥിനി മുങ്ങി മരിച്ചു
Synopsis
ഞായറാഴ്ച ഉച്ചക്ക് മാതാവിനും മറ്റു കുടുംബങ്ങള്ക്കൊപ്പം വീടിന് സമീപത്തെ കായലില് കുളിക്കുന്നതിനടിയില് മുങ്ങുകയായിരുന്നു
മലപ്പുറം: കുടുംബാംഗങ്ങളുമൊത്ത് വീട്ടിന് സമീപത്തെ കായലില് കുളിക്കുന്നതിനിടെ വിദ്യാര്ഥിനി മുങ്ങി മരിച്ചു. ഇരിങ്ങാവൂര്-മണ്ടകത്തില് പറമ്പില് പാറപറമ്പില് മുസ്തഫയുടെ മകള് ഫാത്തിമ മിന്ഹ (13) ആണ് മരിച്ചത്. വളവന്നൂര് ബാഫഖി സ്കൂളിലെ ഒമ്പതാം ക്ലാസ് വിദ്യാര്ഥിയാണ് മിൻഹ. ഞായറാഴ്ച ഉച്ചക്ക് മാതാവിനും മറ്റു കുടുംബങ്ങള്ക്കൊപ്പം വീടിന് സമീപത്തെ കായലില് കുളിക്കുന്നതിനടിയില് മുങ്ങുകയായിരുന്നു. തുടര്ന്ന് കുട്ടിയെ കരക്കെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം തിരൂര് ജില്ലാ ആശുപത്രി മോര്ച്ചറിയിലേക്ക് മാറ്റി. മാതാവ്: നജ്ലാബി. രണ്ട് സഹോദരങ്ങള്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam