കോയമ്പത്തൂരിൽനിന്ന് 2.5 കിലോ സ്വർണാഭരണവുമായി എത്തിയ യുവാക്കളെ തട്ടിക്കൊണ്ടുപോയി സ്വർണം കവർന്നതായി പരാതി
Synopsis
അരുണ് സണ്ണിക്ക് ഗുരുതരമായ മര്ദ്ദനമേറ്റിട്ടുണ്ടെന്ന് പൊലീസ് പറഞ്ഞു. സംഭവം സംബന്ധിച്ച് ഒല്ലൂര് പൊലീസ് അന്വേഷണം ഊര്ജ്ജിതമാക്കി.
തൃശൂർ: വഴുക്കുംപാറയില് കാര് തടഞ്ഞ് രണ്ടരക്കിലോ സ്വര്ണാഭരണങ്ങള് കവര്ന്നതായി പരാതി. തൃശൂര് കിഴക്കേകോട്ട നടക്കിലാന് അരുണ് സണ്ണിയും സുഹൃത്തുമാണ് ആക്രമിക്കപ്പെട്ടത്. കോയമ്പത്തൂരില് നിന്നും ആഭരണവുമായി വന്ന ഇവരെ മര്ദ്ദിച്ച് അക്രമി സംഘം സ്വര്ണം കവരുകയായിരുന്നുവെന്നാണ് പരാതി. കുതിരാന് സമീപം വഴുക്കുംപാറയില് ഇവര് സഞ്ചരിച്ചിരുന്ന കാര് മറ്റൊരു സംഘം തടഞ്ഞശേഷം ഇരുവരേയും അവരുടെ കാറില് കയറ്റിക്കൊണ്ടുപോയെന്നും കുട്ടനെല്ലൂര് ഭാഗത്തെത്തിയപ്പോള് അരുണ് സണ്ണിയെ ഇറക്കിവിട്ടെന്നും സുഹൃത്തുമായി സംഘം കടന്നെന്നും പരാതിയിൽ പറഞ്ഞു. അരുണ് സണ്ണിക്ക് ഗുരുതരമായ മര്ദ്ദനമേറ്റിട്ടുണ്ടെന്ന് പൊലീസ് പറഞ്ഞു. സംഭവം സംബന്ധിച്ച് ഒല്ലൂര് പൊലീസ് അന്വേഷണം ഊര്ജ്ജിതമാക്കി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam