പ്രകൃതി ചികിത്സയിലൂടെ പ്രസവം; കുട്ടി മരിക്കാനിടയായത് ഡോക്ടറുടെ വീഴ്ച, 6 ലക്ഷം നഷ്ടപരിഹാരം നല്കണം
Synopsis
പ്രസവവേദനയെ തുടര്ന്ന് സ്ഥാപനത്തിലെത്തി മണിക്കൂറുകള് പിന്നിട്ടിട്ടും പ്രസവം നടക്കാത്തതിനാല് അവശയായ യുവതിയെ കോട്ടക്കലിലെ ആശുപത്രിയിലെത്തിക്കുകയായിരുന്നു.
മലപ്പുറം: പ്രകൃതി ചികിത്സയിലൂടെ നടത്തിയ പ്രസവത്തില് കുട്ടി മരിക്കാനിടയായത് ഡോക്ടറുടെ വീഴ്ചയെന്ന് ഉപഭോക്തൃ കമ്മീഷന്. സിസേറിയന് മുഖേന മൂന്ന് പ്രസവം കഴിഞ്ഞ സ്ത്രീക്ക് നാച്വറോപ്പതി യോഗാ സമ്പ്രദായമനുസരിച്ച് സ്വാഭാവികപ്രസവം വാഗ്ദാനം ചെയ്ത് കുട്ടി മരിക്കാനിടയായ സംഭവത്തിലാണ് ഉപഭോക്തൃ കമ്മീഷന് ഡോക്ടര് കുറ്റക്കാരനാണെന്ന് വിധിച്ചത്. പരാതിക്കാരിക്ക് ചികിത്സാ ചെലവ് ഉള്പ്പെടെ നഷ്ടപരിഹാരമായി 6,24,937 രൂപ നല്കാനും കമ്മീഷന് വിധിച്ചു.
കഴിഞ്ഞ മൂന്ന് പ്രസവവും സിസേറിയന് മുഖേനയായതിനാല് സ്വാഭാവിക പ്രസവത്തിനായി കൊടിഞ്ഞി സ്വദേശിനി വാളക്കുളം പാറമ്മല് സ്പ്രൗട്ട്സ് ഇന്റര്നാഷനല് മെറ്റേര്ണി സ്റ്റുഡിയോയെ സമീപിക്കുകയായിരുന്നു. സ്വാഭാവികപ്രസവത്തിന് തടസ്സമില്ലെന്ന് പറഞ്ഞതിനാല് അഞ്ച് മാസക്കാലം സ്ഥാപനത്തിലെ നിര്ദേശമനുസരിച്ചുള്ള വ്യായാമവും ഭക്ഷണവും പിന്തുടര്ന്നു. എന്നാല് പ്രസവവേദനയെ തുടര്ന്ന് സ്ഥാപനത്തിലെത്തി മണിക്കൂറുകള് പിന്നിട്ടിട്ടും പ്രസവം നടക്കാത്തതിനാല് അവശയായ ഇവരെ കോട്ടക്കലിലെ ആശുപത്രിയിലെത്തിക്കുകയായിരുന്നു.
തുടര്ന്ന് ദീര്ഘനാളത്തെ ചികിത്സക്കുശേഷവും അവശനില തുടരുന്നതിനാലാണ് പരാതിക്കാരി ഉപഭോക്തൃ കമ്മീഷനെ സമീപിച്ചത്. പരാതിക്കാരിയുടെ നിര്ബന്ധത്തിന് വഴങ്ങിയാണ് ചികിത്സ ഏറ്റെടുത്തതെന്നും പ്രസവമോ കുട്ടിയുടെ മരണമോ തന്റെ സ്ഥാപനത്തില് നിന്നല്ല സംഭവിച്ചതെന്നുമുള്ള ഡോക്ടറുടെ വാദം കമ്മീഷന് അംഗീകരിച്ചില്ല. ജില്ലാ ഉപഭോക്തൃമ്മീഷന്റെ വിധിപ്രകാരമുള്ള തുക ഒരു മാസത്തിനകം പരാതിക്കാരിക്ക് നല്കണമെന്നും വിധിയില് പറഞ്ഞു.
Read More :
മലപ്പുറത്ത് വാടകമുറിയില് സമാന്തര ടെലിഫോണ് എക്സ്ചേഞ്ച്: ഒരാള് പിടിയില്
മലപ്പുറം: മലപ്പുറം ജില്ലക്കകത്തും പുറത്തും സമാന്തര ടെലിഫോണ് എക്സ്ചേഞ്ച് നടത്തി വന്നിരുന്നയാള് കൊളത്തൂരില് പിടിയിയില്. മഞ്ചേരി പൂക്കൊളത്തൂര് പുറക്കാട് സ്വദേശി തയ്യില് ഹുസൈന് (31)ആണ് അറസ്റ്റിലായത്. രഹസ്യവിവരത്തെ തുടര്ന്ന് പ്രത്യേകസംഘം നടത്തിയ അന്വേഷണത്തില് ഇന്നലെ പുലര്ച്ചെയോടെയാണ് പ്രതി വലയിലായത്. കൊളത്തൂര് കുറുപ്പത്താല് ടൗണിന് സമീപത്തെ വാടക കെട്ടിടത്തിലെ മുറിയിലാണ് സമാന്തര ടെലിഫോണ് എക്സ്ചേഞ്ച് പ്രവര്ത്തിച്ചിരുന്നത്.
ജില്ലാ പൊലീസ് മേധാവി എസ് സുജിത്ത് ദാസിന്റെ നേതൃത്വത്തില് പെരിന്തല്മണ്ണ ഡി വൈ എസ് പി. എം സന്തോഷ് കുമാര്, സ്പെഷ്യല് ബ്രാഞ്ച് ഡി വൈ എസ് പി. കെ എം ബിജു കൊളത്തൂര് പൊലീസ് ഇന്സ്പെക്ടര് സുനില് പുളിക്കല് എന്നിവരടങ്ങുന്ന പ്രത്യേക അന്വേഷണസംഘമാണ് ഇയാളെ അറസ്റ്റ് ചെയ്തത്. ഹോട്ടല് തൊഴിലാളികള്ക്ക് താമസിക്കാനെന്ന വ്യാജേന വാടകമുറിയെടുത്ത് ഒരു മാസത്തിലധികമായി സമാന്തര എക്സ്ചേഞ്ച് നടത്തിവരികയാണെന്ന് പ്രതി സമ്മതിച്ചതായി പൊലീസ് പറഞ്ഞു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam