കനത്ത മഴയിൽ ആടുവളവിൽ റോഡിൽ വിള്ളലുകൾ; കേടുപാട് കഴിഞ്ഞ ദിവസം രൂപപ്പെട്ട ഗർത്തത്തിനടുത്ത്, ഭീതിയോടെ നാട്ടുകാർ

കനത്ത മഴയിൽ പാലക്കാട് തൃത്താല കൂറ്റനാട് റോഡിൽ വിള്ളൽ രൂപപ്പെട്ടു. ആടുവളവ് ഭാഗത്താണ് റോട്ടിൽ വലിയ തോതിൽ വിണ്ടുകീറിയത്.

പാലക്കാട്: കനത്ത മഴയിൽ പാലക്കാട് തൃത്താല കൂറ്റനാട് റോഡിൽ വിള്ളൽ രൂപപ്പെട്ടു. ആടുവളവ് ഭാഗത്താണ് റോഡിൽ വലിയ തോതിൽ വിണ്ടുകീറിയത്. കഴിഞ്ഞ ദിവസങ്ങളിൽ പെയ്ത കനത്ത മഴയിൽ ആടുവളവ് സ്‌റ്റോപ്പിന് സമീപത്തെ റോഡിലെ ഈ ഭാഗത്ത് ഗർത്തം രൂപപ്പെട്ടിരുന്നു. ഇത് കഴിഞ്ഞ ദിവസം അടച്ചുവെങ്കിലും ഇതിന് സമീപത്തായാണ് റോഡിൽ വലിയ തോതിൽ വിള്ളലുകൾ വീണത്. ഭാരം കൂടിയ വാഹനങ്ങൾ ഈ ഭാഗത്തിലൂടെ സഞ്ചരിക്കുമ്പോൾ റോഡ് ഇടിഞ്ഞ് താഴാനുള്ള സാധ്യത ഏറെയാണ്