വർക്കലയിലെ സ്വകാര്യ റിസോർട്ടിൽ തീപിടുത്തം; രണ്ട് മുറികൾ പൂർണമായും കത്തിനശിച്ചു

ഫയർഫോഴ്സും നാട്ടുകാരും റിസോർട്ട് ജീവനക്കാരും ചേർന്ന് തീ അണച്ചു. തീപിടുത്തത്തിന് കാരണം ഷോർട്ട് സർക്യൂട്ടാണെന്നാണ് പ്രാഥമിക നിഗമനം. 

തിരുവനന്തപുരം വർക്കലയിലെ സ്വകാര്യ റിസോർട്ടിൽ തീപിടുത്തം. നോർത്ത് ക്ലിഫിൽ ക്ലഫോട്ടി റിസോർട്ടിന്‍റെ മുകളിലെ നിലയിലാണ് തീപിടുത്തമുണ്ടായത്. തീപിടിത്തത്തിൽ റിസോർട്ടിലെ രണ്ട് എസി റൂമുകൾ പൂർണമായും കത്തിനശിച്ചു. ഏകദേശം 15 ലക്ഷം രൂപയുടെ നാശനഷ്ടമാണ് ഉണ്ടായിരിക്കുന്നത് എന്നാണ് കണക്കാക്കുന്നത്. ഫയർഫോഴ്സും നാട്ടുകാരും റിസോർട്ട് ജീവനക്കാരും ചേർന്ന് തീ അണച്ചു. തീപിടുത്തത്തിന് കാരണം ഷോർട്ട് സർക്യൂട്ടാണെന്നാണ് പ്രാഥമിക നിഗമനം.