ഗവിയിൽ ടവറിന് മുകളിൽ കയറി വനംവകുപ്പ് ജീവനക്കാരന്റെ ആത്മഹത്യ ഭീഷണി; ജോലിയിൽ നിന്ന് മാറ്റി നിർത്തുന്നെന്ന് പരാതി
Synopsis
കെഎഫ്ഡിസി ഉദ്യോഗസ്ഥര് മര്ദ്ദിച്ച എന്ന വര്ഗീസിന്റെ പരാതിയില് മൂന്ന് ഉദ്യോഗസ്ഥര്ക്കെതിരെ മുന്പ് നടപടി എടുത്തിരുന്നു.
പത്തനംതിട്ട: ഗവിയില് ബിഎസ്എന്എല് ടവറിന് മുകളില് കയറി വനംവകുപ്പ് ജീവനക്കാരന് ആത്മഹത്യ ഭീഷണി മുഴക്കുന്നു. വാച്ചറും ഗൈഡുമായ വര്ഗീസ് രാജ് ആണ് ആത്മഹത്യാ ഭീഷണി മുഴക്കുന്നത്. കെഎഫ്ഡിസി ഉദ്യോഗസ്ഥര് മര്ദ്ദിച്ച എന്ന വര്ഗീസിന്റെ പരാതിയില് മൂന്ന് ഉദ്യോഗസ്ഥര്ക്കെതിരെ മുന്പ് നടപടി എടുത്തിരുന്നു. ചികിത്സ കഴിഞ്ഞ് ജോലിയില് തിരികെ പ്രവേശിക്കാന് എത്തിയ വര്ഗീസ് രാജിന് തുടര്ച്ചയായി കാരണം കാണിക്കല് നോട്ടീസ് നല്കുന്നുവെന്നും ജോലിയില് നിന്ന് മാറ്റി നിര്ത്തുന്നുവെന്നുമാണ് വര്ഗീസിന്റെ പരാതി.
വിജയദശമി ദിനത്തില് അറിവിന്റെ ലോകത്തേക്ക് കുരുന്നുകള്
ഗുരുവിന്റെ മടിയിലിരുന്ന് തളികയിലെ അരിയില് ചൂണ്ടുവിരല് കൊണ്ട് ആദ്യക്ഷരം. പിന്നെ പൊന്നു തൊട്ട് നാവില് അക്ഷര മധുരം. വിജയദശമി ദിനത്തില് ആയിരക്കണക്കിന് കുട്ടികള് ആദ്യാക്ഷരമെഴുതി. സംസ്ഥാനത്തെ സരസ്വതീ ക്ഷേത്രങ്ങളില് പുലര്ച്ചെ മുതല് അക്ഷരം കുറിക്കാന് വലിയ തിരക്കാണ് അനുഭവപ്പെട്ടത്. നിരവധി സാംസ്കാരിക കേന്ദ്രങ്ങളിലും വായനശാലകളിലും വിദ്യാരംഭ ചടങ്ങുകള് നടന്നു.
എഴുത്തിനിരുത്തലിനോട് അനുബന്ധിച്ച് വിപുലമായ ചടങ്ങുകളും ആഘോഷവുമാണ് തിരൂര് തുഞ്ചന് പറമ്പിലും ദക്ഷിണ മൂകാംബിക എന്നറിയപ്പെടുന്ന പനച്ചിക്കാട് ദേവീ ക്ഷേത്രത്തിലുമടക്കം നടന്നത്. തുഞ്ചന്പറമ്പില് രാവിലെ 4.30 മുതല് വിദ്യാരംഭം തുടങ്ങി. 50 ആചാര്യന്മാരാണ് കുരുന്നുകള്ക്ക് ഹരിശ്രീ കുറിച്ചു നല്കിയത്. കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തില് പുലര്ച്ചെ നാലു മണിക്ക് വിദ്യാരംഭ ചടങ്ങുകള് തുടങ്ങി. 35 ആചാര്യന്മാരാണ് കുഞ്ഞുങ്ങളെ ആദ്യാക്ഷരം എഴുതിച്ചത്. ഗവര്ണര് ആരിഫ് മുഹമ്മദ് ഖാന്, സ്പീക്കര് എ എന് ഷംസീര്, പ്രതിപക്ഷ നേതാവ് വി.ഡി സതീശന്, ശശി തരൂര് തുടങ്ങി ഒട്ടേറെ പ്രമുഖര് കുട്ടികളെ വിവിധ സ്ഥലങ്ങളില് കുഞ്ഞുങ്ങളെ എഴുത്തിനിരുത്തി.
കാണാതായ ആമയെ മൂന്നരവർഷത്തിന് ശേഷം കണ്ടെത്തി, വീട്ടിൽ നിന്നും അഞ്ച് മൈൽ അകലെ..!
ഏഷ്യാനെറ്റ് ന്യൂസ് തത്സമയം കാണാം..