സമസ്തക്കെതിരെ വ്യാജ പ്രചരണം നടത്തിയിട്ടില്ല, നിയമപരമായി നേരിടുമെന്ന് ഹക്കീം ഫൈസി ആദൃശ്ശേരി

സമസ്തക്കെതിരെ പോസ്റ്റുകൾ ഇടുന്ന ഉമ്മർ കോയ എന്ന ഫേസ് ബുക്ക്‌ ഐഡി ആരുടെതാണ് എന്ന് പോലും അറിയില്ലെന്നും ഹക്കീം ഫൈസി ആദൃശ്ശേരി

മലപ്പുറം : സമസ്തക്കെതിരെ വ്യാജ പ്രചരണം നടത്തിയിട്ടില്ലെന്ന് ഹക്കീം ഫൈസി ആദൃശ്ശേരി. തന്റെ പേരിൽ പൊലീസിൽ നൽകിയ പരാതിക്ക് പിന്നിൽ സമസ്തയിലെ തന്നെ ചിലരെന്നും അദ്ദേഹം പറഞ്ഞു. ഇതിനെ നിയമപരമായി നേരിടും. കേസിനെക്കുറിച്ച് കൂടുതൽ അറിയില്ല. സമസ്തക്കെതിരെ പോസ്റ്റുകൾ ഇടുന്ന ഉമ്മർ കോയ എന്ന ഫേസ് ബുക്ക്‌ ഐഡി ആരുടെതാണ് എന്ന് പോലും അറിയില്ലെന്നും ഹക്കീം ഫൈസി ആദൃശ്ശേരി പറഞ്ഞു. ഹക്കീം ഫൈസി ആദൃശ്ശേരി ഉൾപ്പെടെ 12 പേർ സമസ്തക്കെതിരെ വ്യാജ പ്രചരണം നടത്തി എന്നായിരുന്നു സമസ്ത പിആർഒയുടെ പരാതി.