കുണ്ടമൺകടവ് പാലത്തിൽ നിന്നും യുവതി വെള്ളത്തിലേക്ക് എടുത്തുചാടി, പിന്നാലെ ചാടി രക്ഷപ്പെടുത്തി നാട്ടുകാർ

വിവരമറിഞ്ഞ് രാജാജി നഗറിൽ നിന്നും, കാട്ടാക്കടയിൽ നിന്നും ഫയർഫോഴ്സ് സംഘം സ്ഥലത്ത് എത്തി. എന്നാൽ ഇതിനു മുൻപ് തന്നെ നാട്ടുകാർ യുവതിയെ രക്ഷപ്പെടുത്തിയിരുന്നു.

തിരുവനന്തപുരം: കുണ്ടമൺ കടവ് പാലത്തിൽ നിന്നും യുവതി വെള്ളത്തിലേക്ക് എടുത്തുചാടി. 29 കാരിയായ വിളപ്പിൽശാല സ്വദേശി ആതിരയാണ് പാലത്തിൽ നിന്നും പുഴയിലേക്ക് എടുത്ത് ചാടിയത്. സംഭവം കണ്ടു നിന്ന നാട്ടുകാർ പിന്നാലെ ചാടി യുവതിയെ രക്ഷപ്പെടപത്തി. വിവരമറിഞ്ഞ് രാജാജി നഗറിൽ നിന്നും, കാട്ടാക്കടയിൽ നിന്നും ഫയർഫോഴ്സ് സംഘം സ്ഥലത്ത് എത്തി. എന്നാൽ ഇതിനു മുൻപ് തന്നെ നാട്ടുകാർ യുവതിയെ രക്ഷപ്പെടുത്തി. പിന്നീട് ഫയർഫോഴ്സിന്റെ ആംബുലൻസിൽ യുവതിയെ ശ്രീരാമകൃഷ്ണ ആശുപത്രിയിൽ എത്തിച്ചു. യുവതി വെള്ളത്തിലേക്ക് ചാടിയതിന് എന്താണെന്ന് വ്യക്തമല്ല.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)