കുട്ടി ടർഫിൽ കളി കാണാൻ പോയപ്പോൾ ആണ് പ്രതി കുട്ടിയുമായി സൗഹൃദം ഉണ്ടാക്കുകയും അത് മുതലെടുത്ത് ലഹരി പദാർതഥങ്ങൾ നിർബന്ധിച്ച് കൊടുക്കുകയും ചെയ്തത്.
മലപ്പുറം: പതിനാറുകാരന് മദ്യവും പുകയില ഉത്പന്നങ്ങളും നൽകി ലഹരിക്കടിമയാക്കിയ മധ്യവയസ്ക്കനെ പൊലീസ് പിടികൂടി. വഴിക്കടവ് പുന്നക്കൽ താമസിക്കുന്ന പാറോപ്പാടത്ത് നാണി എന്ന സുബ്രഹ്മണ്യൻ ( 50 ) എന്നയാളാണ് വഴിക്കടവ് പൊലീസിന്റെ പിടിയിലായത്. കഴിഞ്ഞ കുറച്ച് ദിസങ്ങളായി കുട്ടിയിൽ മാറ്റങ്ങൾ കണ്ടതോടെയാണ് സംഭവം പുറത്തായത്.
കുട്ടിയുടെ രക്ഷിതാവിന്റെ പരാതിയിൽ വഴിക്കടവ് പൊലീസ് ജുവനൈൽ ജസ്റ്റീസ് നിയമപ്രകാരം കേസ് രജിസ്റ്റർ ചെയ്ത് അന്വേഷണം നടത്തുന്നതിനിടെയണ് പ്രതിയെ വഴിക്കടവ് അനമറിയിൽ നിന്ന് അറസ്റ്റ് ചെയ്തത്. കുട്ടി ടർഫിൽ കളി കാണാൻ പോയപ്പോൾ ആണ് പ്രതി കുട്ടിയുമായി സൗഹൃദം ഉണ്ടാക്കുകയും അത് മുതലെടുത്ത് ലഹരി പദാർതഥങ്ങൾ നിർബന്ധിച്ച് കൊടുക്കുകയും ചെയ്തത്. വഴിക്കടവ് പൊലീസിന്റെ അവസരോചിതായമായ ഇടപെടൽ ആണ് പതിനാറുകാരനെ ലഹരി മാഫിയയിൽനിന്ന് രക്ഷപ്പെടുത്തിയത്.