കുഫോസ് ക്യാംപസിനടുത്ത് കായലോരത്ത് ആളില്ലാതെ ഒരു വള്ളം, പരിശോധിച്ചപ്പോൾ കണ്ടൽകാട്ടിൽ യുവാവ് തൂങ്ങിയ നിലയിൽ

ക്യാംപസിലെ ജോലിക്കാർ കായലോരത്ത് ആളില്ലാത്ത വള്ളം കണ്ടതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. പോസ്റ്റ്മോർട്ടത്തിന് ശേഷം മൃതദേഹം സംസ്കരിച്ചു.

കൊച്ചി: പനങ്ങാട് കാണാതായ യുവാവിനെ കണ്ടൽ കാട്ടിലെ മരത്തിൽ തൂങ്ങി മരിച്ച നിലയിൽ കണ്ടെത്തി. പനങ്ങാട് ഇക്കാശ്ശേരിൽ റോഷിൻ തോമസിനെ(33)യാണ് കുഫോസ് ക്യാംപസിന് സമീപത്തെ കണ്ടൽ കാട്ടിലെ മരത്തിൽ തൂങ്ങി മരിച്ച നിലയിൽ യുവാവിനെ കണ്ടെത്തിയത്. ക്യാംപസിലെ ജോലിക്കാർ കായലോരത്ത് ആളില്ലാത്ത വള്ളം കണ്ടതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.

കടവിൽ നിന്നും പനങ്ങാട് ചെറ്റകാലിൽ സുനുവിന്റെ വള്ളവുമായാണ് റോഷിൻ പോയത്. 26-ാം തിയ്യതി മുതൽ റോഷിനെ കാണാനില്ലെന്ന സഹോദരന്റെ പരാതിയിൽ പനങ്ങാട് പൊലീസ് മൊഴിയെടുക്കുന്നതിനിടയിലാണ് മൃതദേഹം കണ്ടെത്തിയ വിവരമറിയുന്നത്. പോസ്റ്റ്മോർട്ടത്തിന് ശേഷം മൃതദേഹം സംസ്കരിച്ചു.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)