തിരുവനന്തപുരം നഗരത്തില്‍ നടത്തിയ മിന്നല്‍പ്പരിശോധനയില്‍ മീറ്റര്‍ പ്രവര്‍ത്തിപ്പിക്കാത്ത 250 ഓട്ടോറിക്ഷകള്‍ പിടികൂടി. യാത്രക്കാരുടെ പരാതിക്ക് പിന്നാലെയാണ് പരിശോധന നടത്തി മീറ്റര്‍ പ്രവര്‍ത്തിക്കാത്തതും അമിത നിരക്ക് ഈടാക്കുകയും ചെയ്ത് ഓട്ടോകള്‍ പിടികൂടിയത്.
തിരുവനന്തപുരം: തിരുവനന്തപുരം നഗരത്തില്‍ നടത്തിയ മിന്നല്‍പ്പരിശോധനയില്‍ മീറ്റര്‍ പ്രവര്‍ത്തിപ്പിക്കാത്ത 250 ഓട്ടോറിക്ഷകള്‍ പിടികൂടി. യാത്രക്കാരുടെ പരാതിക്ക് പിന്നാലെയാണ് പരിശോധന നടത്തി മീറ്റര്‍ പ്രവര്‍ത്തിക്കാത്തതും അമിത നിരക്ക് ഈടാക്കുകയും ചെയ്ത് ഓട്ടോകള്‍ പിടികൂടിയത്.
പൊലീസ് കമ്മീഷണറുടെ നേതൃത്വത്തില്‍ സിറ്റി പൊലീസും ട്രാഫിക് പൊലീസും ഒന്നിച്ച് നഗരത്തിലെ വിവിധ ഇടങ്ങള്‍ കേന്ദ്രീകരിച്ച് 1200 ഓട്ടോകള്‍ പരിശോധിക്കുകയായിരുന്നു. ഇതില്‍ 250 ഓട്ടോകളാണ് പിടികൂടിയത്.
250 ഓട്ടോകളുടെ മീറ്റര്‍ പ്രവര്‍ത്തിച്ചിരുന്നില്ല. അതുപോലെ മീറ്ററില്‍ ഉള്ളതിനേക്കാള്‍ കൂടുതല്‍ പണം ഓട്ടോകള്‍ ഈടാക്കുന്നതായും പരിശോധനയില്‍ കണ്ടെത്തിയിരുന്നു.പിടി കൂടിയ ഓട്ടോകള്‍ പിഴ ചുമത്തി വിട്ടയച്ചു. മീറ്റര്‍ പ്രവര്‍ത്തിപ്പിക്കാതെ നിരത്തിലിറക്കുന്ന ഓട്ടോറിക്ഷകളെ കണ്ടുകിട്ടുമെന്ന് പൊലീസ് അറിയിച്ചു.