പത്തനംതിട്ട നഗരത്തിൽ എസ്എഫ്ഐക്കാരും മുൻ എസ്എഫ്ഐക്കാരും തമ്മിലടിച്ചു; 3 പേർക്കെതിരെ കേസ്

കാതോലിക്കേറ്റ് കോളജിൽ ഉണ്ടായ തർക്കത്തിൻ്റെ തുടർച്ചയായിരുന്നു കൂട്ടയടി

പത്തനംതിട്ട: നടുറോഡിൽ തമ്മിലടിച്ച മുൻ എസ്എഫ്ഐ - ഡിവൈഎഫ്ഐ പ്രവർത്തകർക്കെതിരെ കേസ്. പ്രമാടം സ്വദേശികളായ ആരോമൽ, പ്രതീഷ്, ഹരികൃഷ്ണപിള്ള എന്നിവർക്കെതിരെയാണ് പൊലീസിനെ ആക്രമിച്ചതിന് കേസെടുത്തിട്ടുള്ളത്. ഇന്നലെ വൈകിട്ടാണ് പത്തനംതിട്ട നഗരത്തിൽ എസ്എഫ്ഐക്കാരും മുൻ എസ്എഫ്ഐക്കാരും തമ്മിലടിച്ചത്.

കാതോലിക്കേറ്റ് കോളജിൽ ഉണ്ടായ തർക്കത്തിൻ്റെ തുടർച്ചയായിരുന്നു കൂട്ടയടി. എസ്എഫ്ഐ ജില്ലാ സെക്രട്ടറിയും തമ്മിലടിയിൽ ഉണ്ടായിരുന്നു. എന്നാൽ സംഭവങ്ങളുമായി ബന്ധമില്ലെന്നാണ്  എസ്എഫ്ഐ ജില്ലാ നേതൃത്വതിൻ്റെ വിശദീകരണം. കൂട്ടയടി ഉണ്ടായതോടെ പൊലീസ് എത്തി ലാത്തി വീശി. എന്നാൽ, പൊലീസിന് മുന്നിലും അടി തുടരുകയായിരുന്നു. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം