കുറ്റിക്കാട്ടില് ഉടമസ്ഥനില്ലാതെ ഉപേക്ഷിച്ച നിലയില് ഷോള്ഡര് ബാഗ്, പരിശോധിച്ചപ്പോൾ ഏഴരക്കിലോ കഞ്ചാവ്
Synopsis
ബുധനാഴ്ച ഉച്ചയോടെയാണ് റെയില്വേ സ്റ്റേഷന്റെ ഒന്നാം നമ്പര് പ്ലാറ്റ്ഫോമിന്റെ വടക്ക്-പടിഞ്ഞാറ് ഭാഗത്തുള്ള താനൂര് എന്ന നേം ബോര്ഡിന് സമീപം മതില്ക്കെട്ടിനരികിലെ കുറ്റിക്കാട്ടില് ഉടമസ്ഥനില്ലാതെ ഉപേക്ഷിച്ച നിലയില് ഷോള്ഡര് ബാഗ് കണ്ടെത്തിയത്.
മലപ്പുറം: ക്രിസ്മസ്-പുതുവത്സര ആഘോഷങ്ങളുടെ ഭാഗമായി എക്സൈസ് വിഭാഗം നടത്തിയ സ്പെഷല് എന്ഫോഴ്സ്മെന്റ് ഡ്രൈവില് താനൂര് റെയില്വെ സ്റ്റേഷന് പരിസരത്തുനിന്ന് 7.6 കിലോഗ്രാം കഞ്ചാവ് കണ്ടത്തി. തിരൂര് എക്സൈസ് സര്ക്കിള് ഓഫിസിലെ എക്സൈസ് ഇന്സ്പെക്ടര് കെ.എസ്. സുര്ജിതിന്റെ നേതൃത്വത്തില് തിരൂര് എ ക്സൈസ് സംഘവും തിരൂര് ആര്.പി.എഫും സംയുക്തമായാണ് താനൂര് റെയില്വേ സ്റ്റേഷനിലും പരിസര പ്രദേശങ്ങളിലും പരിശോധന നടത്തിയത്. ബുധനാഴ്ച ഉച്ചയോടെയാണ് റെയില്വേ സ്റ്റേഷന്റെ ഒന്നാം നമ്പര് പ്ലാറ്റ്ഫോമിന്റെ വടക്ക്-പടിഞ്ഞാറ് ഭാഗത്തുള്ള താനൂര് എന്ന നേം ബോര്ഡിന് സമീപം മതില്ക്കെട്ടിനരികിലെ കുറ്റിക്കാട്ടില് ഉടമസ്ഥനില്ലാതെ ഉപേക്ഷിച്ച നിലയില് ഷോ ള്ഡര് ബാഗ് കണ്ടെത്തിയത്. കേസ് രജിസ്റ്റര് ചെ യ്തിട്ടുണ്ടെങ്കിലും ഉടമസ്ഥനെ കണ്ടെത്താനായിട്ടില്ല. തിരൂര് ആര്. പി.എഫ് സബ് ഇന്സ്പെക്ടര് കെ. എം. സുനില്കുമാര്, ആര്.പി.എഫ് ഹെഡ് കോണ്സ്റ്റബിള് എന്. ഗോകുല്ദാസ്, എക്സൈസ് പ്രി വന്റീവ് ഓഫീസര് ഷിജിത്ത്, സിവില് എക്സൈസ് ഓഫിസര്മാരായ കണ്ണന്, വിഷ്ണു എന്നിവര് പരിശോധനയില് പങ്കെടുത്തു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam