കഴിഞ്ഞ ദിവസം വൈകിട്ട് അഞ്ച് മണിയോടെ കൊറ്റുകുളങ്ങരയിൽ ഏഴ് വയസ്സുള്ള കുട്ടിയെയാണ് ആദ്യം തെരുവ് നായ കടിച്ചത്.
കായംകുളം: നഗരസഭയിലെ വിവിധ സ്ഥലങ്ങളിൽ കുട്ടികൾ ഉൾപ്പെടെ ഏഴ് പേരെ തെരുവ് നായ കടിച്ചു. കായംകുളം മൂന്ന് പുരക്കൽ നിസ്താറിന്റെ മകൾ നൂറ (7 ) കൊറ്റുകുളങ്ങര എരുവ വാഴപ്പള്ളി ൽ സുബൈദ ( 55 ) എരുവ കടവിൽ സരസമ്മ (77 ) തോപ്പിൽ കിഴക്കതിൽ രാധാമണി (57 ) മോഹനാലയം മോഹൻ (65) പനമൂട്ടിൽ തറയിൽ മായ (45 ) രാധാകൃഷ്ണൻ (55 ) എന്നിവർക്കാണ് തെരുവുനായയുടെ കടിയേറ്റത്.
കഴിഞ്ഞ ദിവസം വൈകിട്ട് അഞ്ച് മണിയോടെ കൊറ്റുകുളങ്ങരയിൽ ഏഴ് വയസ്സുള്ള കുട്ടിയെയാണ് ആദ്യം തെരുവ് നായ കടിച്ചത്. പിന്നീട് ആണ് എരുവ , പത്തിയൂർ ഭാഗങ്ങളിലുള്ളവരെ നായ ആക്രമിച്ചത്. തെരുവ് നായയുടെ ആക്രമണത്തിനരയായവരെ ആദ്യം കായംകുളം താലൂക്ക് ആശൂപത്രിയിൽ പ്രവേശിപ്പിച്ചു. പിന്നീട് ഇവരെ ചികിത്സക്കായി ആലപ്പുഴ മെഡിക്കൽ കോളേജിലേക്ക് മാറ്റി. ഇന്നലെ രാത്രിയോടെ കോയിക്കൽപ്പടി പാലത്തിനു സമീപം വെച്ച് ഒരു തെരുവ് നായയെ നാട്ടുകാർ കൊന്നു.