വാതില്‍ കുത്തിത്തുറന്ന് 21 പവന്‍ മോഷ്ടിച്ചു

വീടിന്‍റെ വാതിൽ പൊളിച്ചാണ് മോഷ്ടാക്കൾ അകത്ത് കടന്നത്. ആഭരണങ്ങൾക്കൊപ്പം ലാപ്ടോപ്പും മോഷണം പോയി.

പാലക്കാട്: മാങ്കുറിശ്ശിയിൽ വീട് കുത്തിത്തുറന്ന് 21 പവൻ സ്വർണാഭരണങ്ങളും പണവും മോഷ്ടിച്ചു. മാങ്കുറിശ്ശി കൃഷ്ണനുണ്ണിയുടെ വീട്ടിലാണ് മോഷണം നടന്നത്. ഇന്നലെ വീട്ടിൽ ആളില്ലാത്ത സമയത്തായിരുന്നു സംഭവം. വീട്ടുകാരെത്തിയപ്പോഴാണ് മോഷണ വിവരം അറിയുന്നത്. വീടിന്‍റെ വാതിൽ പൊളിച്ചാണ് മോഷ്ടാക്കൾ അകത്ത് കടന്നത്. ആഭരണങ്ങൾക്കൊപ്പം ലാപ്ടോപ്പും മോഷണം പോയി. വിരലടയാള വിദഗ്ധർ സ്ഥലത്തെത്തി പരിശോധന നടത്തി. മങ്കര പൊലീസ് അന്വേഷണം തുടങ്ങി.