സുഹൃത്തുക്കൾക്കൊപ്പം നാളികേരം പെറുക്കാൻ പോയി; പുഴയിൽ ഒഴുക്കിൽ പെട്ട് യുവാവിനെ കാണാതായി

മുതുകുന്നി തടയണക്ക് സമീപം ഉച്ചക്ക് 2 മണിയോടെയാണ് സംഭവമുണ്ടായത്. വിദേശത്ത് നിന്ന് അവധിക്ക് നാട്ടിലെത്തിയതാണ് രാജേഷ്. നാളികേരം പെറുക്കാൻ സുഹൃത്തുക്കൾക്കൊപ്പം പോയി വരുന്നതിനിടെയാണ് ഒഴുക്കിൽ പെട്ടത്. 

പാലക്കാട്: നാളികേരം പെറുക്കാൻ പുഴയിൽ ഇറങ്ങിയയാളെ ഒഴുക്കിൽ പെട്ട് കാണാതായി. പാലക്കാട് അയിലൂർ മുതുകുന്നി പുഴയിലാണ് അപകടം. ആണ്ടിത്തറ പുത്തൻ വീട്ടിൽ രാജേഷാണ് (42) ഒഴുക്കിൽ പെട്ടത്. രാജേഷിനും വേണ്ടി അഗ്നിരക്ഷാസേനയും ആലത്തൂർ പൊലീസും തെരച്ചിൽ തുടരുകയാണ്. 

മുതുകുന്നി തടയണക്ക് സമീപം ഉച്ചക്ക് 2 മണിയോടെയാണ് സംഭവമുണ്ടായത്. വിദേശത്ത് നിന്ന് അവധിക്ക് നാട്ടിലെത്തിയതാണ് രാജേഷ്. നാളികേരം പെറുക്കാൻ സുഹൃത്തുക്കൾക്കൊപ്പം പോയി വരുന്നതിനിടെയാണ് ഒഴുക്കിൽ പെട്ടത്. ഒപ്പമുണ്ടായിരുന്നവർ ചേർന്ന് രാജേഷിനെ കരക്ക് കയറ്റാൻ ശ്രമം നടത്തിയെങ്കിലും രക്ഷപ്പെടുത്താൻ കഴിഞ്ഞില്ല. പുഴയുടെ നല്ല ഒഴുക്കുള്ള ഭാഗത്തു വെച്ചാണ് രാജേഷിനെ കാണാതായിട്ടുള്ളതെന്ന് സുഹൃത്തുക്കൾ പറയുന്നു. അതേസമയം, രാജേഷിന് വേണ്ടിയുള്ള തെരച്ചിൽ തുടരുകയാണ്. 

https://www.youtube.com/watch?v=Ko18SgceYX8