തിരു. ജില്ലാ പഞ്ചായത്ത് പ്രസിഡൻ്റിൻ്റെ മൊബൈൽ അതിഥി തൊഴിലാളി കവർന്നു, നാട്ടുകാരും പൊലീസും ചേർന്ന് പിടികൂടി
Synopsis
മോഷണം നടത്തിയ വെസ്റ്റ് ബംഗാല് സ്വദേശി സുബ്രാതോകൗറിനെയാണ് നാട്ടുകാരും പൊലീസും ചേര്ന്ന് പിടികൂടിയത്
തിരുവനന്തപുരം: തിരുവനന്തപുരം ജില്ലാ പഞ്ചായത്ത് പ്രസിഡൻ്റിൻ്റെ മൊബൈല് ഫോണ് കവർന്ന അതിഥി തൊഴിലാളിയെ മണിക്കൂറുകള്ക്കുള്ളില് നാട്ടുകാരും പൊലീസും ചേര്ന്ന് പിടികൂടി. തിരുവനന്തപുരം ജില്ലാ പഞ്ചായത്ത് പ്രസിഡൻ്റ് ഡി സുരേഷ് കുമാറിൻ്റെ മെബൈല് ഫോണാണ് അതിഥി തൊഴിലാളി കവര്ന്നത്. മോഷണം നടത്തിയ വെസ്റ്റ് ബംഗാല് സ്വദേശി സുബ്രാതോകൗറിനെയാണ് നാട്ടുകാരും പൊലീസും ചേര്ന്ന് പിടികൂടിയത്.
ആലുവയിലെ കുട്ടിയുടെ സംസ്കാര കർമ്മം ചെയ്തത് ഓട്ടോ ഡ്രൈവർ, 'പല പൂജാരികളെ സമീപിച്ചു, ആരും തയ്യാറായില്ല'
ഞായറാഴ്ച രാവിലെയാണ് വ്യായാമത്തിനിറങ്ങിയ സുരേഷിൻ്റെ മെബൈല് തേമ്പാമുട്ടം റെയില്വേ പ്ലാറ്റ് ഫോമിന് സമീപത്ത് വച്ച് മോഷണം പോയത്. അഞ്ച് അംഗ സംഘമായെത്തിയ അന്യസംസ്ഥാന തൊഴിലാളികളില് ഒരാള് മൊബൈല് കവര്ന്നത്. റെയില്വേ സ്റ്റേഷന് സമീപത്ത് നിന്നും മൊബൈല് മോഷ്ടിച്ച അതിഥി തൊഴിലാളികള് മൊബൈലുമായി ഒരുകിലോമീറ്റര് മാറി ബാലരാമപുരം നെയ്യാറ്റിന്കര ബസ് സ്റ്റോപ്പിലെത്തി തമിഴ്നാട്ടിലേക്ക് ബസ് കയറുന്നതിനായി ഒളിച്ച് നില്ക്കുമ്പോഴാണ് പിടിയിലായത്.
മേഷണ വിവരം പൊലീസ് സ്റ്റേഷനിലറിയിച്ചതോടെ പൊലീസ് സംഘം വിവിധ പ്രദേശങ്ങളില് പെട്രോളിംഗ് നടത്തുകയും നാട്ടുകാരുടെ സംഘം ബൈക്കുകളില് പെട്രോളിംഗ് നടത്തിയുമാണ് പ്രതിയെ പിടികൂടാനായത്. റെയില്വേ സ്റ്റേഷന് സമീപത്ത് നിന്നും അതിഥി തൊഴിലാളികള് ട്രെയിന് കയറുവാനെത്തിയിട്ട് മൊബൈല് ലഭിച്ചതോടെ ട്രെയിനില് യാത്രക്ക് തയ്യാറാവാതെ മോഷ്ടിച്ച മെബൈലുമായി ബസില് പോകുവാനാണ് ശ്രമിച്ചത്. റെയില്വേ സ്റ്റേഷനിലെത്തിയ ചിലരുടെ സംശയമാണ് പ്രതിയെ എളുപ്പത്തിന് പിടികൂടുവാന് സാധിച്ചത്. മോഷ്ടാവിനൊപ്പം വന്ന മറ്റുള്ളവര് പ്രതികളല്ലെന്ന് കണ്ട് കൂടുതല് ചോദ്യം ചെയ്ത് രേഖകള് വാങ്ങി പൊലീസ് വിട്ടയച്ചു.