വാട്‌സാപ്പ് വഴി ലഭിക്കുന്ന ബാങ്ക് അക്കൗണ്ടുകളിലേക്കാണ് പണം കൈമാറിയിരുന്നത്. മൊബൈല്‍ ഫോണ്‍ പരിശോധിച്ചപ്പോള്‍ പണം അയക്കേണ്ട അക്കൗണ്ട് നമ്പറുകളും വിലാസങ്ങളും കണ്ടെത്തി.
കോഴിക്കോട്: ഹവാല പണം ഡെപ്പോസിറ്റ് മെഷീന്‍ വഴി ബാങ്ക് അക്കൗണ്ടുകളില്‍ നിക്ഷേപിക്കുന്നതിനിടെ യുവാവ് പിടിയിൽ. നരിക്കുനി പാറന്നൂര്‍ പുല്ലില്‍പുറായില്‍ നാഫി(35)യാണ് ബാലുശ്ശേരി പൊലീസ് അറസ്റ്റ് ചെയ്തത്. ബാലുശ്ശേരി കനറാ ബാങ്കിനുള്ളിലെ ഡെപ്പോസിറ്റ് മെഷീനില്‍ ഹവാല പണം നിക്ഷേപിക്കുന്നതിനിടെ ആയിരുന്നു അറസ്റ്റ്.
വാട്‌സാപ്പ് വഴി ലഭിക്കുന്ന ബാങ്ക് അക്കൗണ്ടുകളിലേക്കാണ് പണം കൈമാറിയിരുന്നത്. മൊബൈല്‍ ഫോണ്‍ പരിശോധിച്ചപ്പോള്‍ പണം അയക്കേണ്ട അക്കൗണ്ട് നമ്പറുകളും വിലാസങ്ങളും കണ്ടെത്തി. 9,58000 രൂപയും മൊബൈല്‍ ഫോണും ബൈക്കും പൊലീസ് പിടിച്ചെടുത്തു.
അഡീഷണല്‍ എസ്ഐ. മധു, എ എസ് ഐ. വിനോദ് കുമാര്‍, ഡ്രൈവര്‍ രമേശന്‍ എന്നിവരടങ്ങിയ സംഘമാണ് കുഴല്‍പണം പിടികൂടിയത്. നൗഫിയെ പേരാമ്പ്ര കോടതിയില്‍ ഹാജരാക്കി റിമാന്റ് ചെയ്തു.