പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ചു; രാത്രി വീട്ടിലെത്തിയ യുവാവിനെ അമ്മ പിടികൂടി പൊലീസിലേല്പ്പിച്ചു
Synopsis
പെണ്കുട്ടിയും കുടുംബവും കോട്ടയത്തേക്ക് താമസം മാറിയെങ്കിലും ഇയാള് അവിടെയുമെത്തി. ഞായറാഴ്ച രാത്രി പന്ത്രണ്ടരയോടെ പെണ്കുട്ടിയുടെ വീട്ടിലെത്തിയ ധനേഷിനെ കുട്ടിയുടെ അമ്മ പിടികൂടി
കോട്ടയം: കോട്ടയം തലയോലപ്പറമ്പില് പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച യുവാവിനെ പെണ്കുട്ടിയുടെ അമ്മ പിടികൂടി പൊലീസിലേല്പ്പിച്ചു. പത്തനാപുരം പ്ലാവില വീട്ടില് ധനീഷ്(24) ആണ് പൊലീസിന്റെ പിടിയിലായത്. ഇയാള്ക്കെതിരെ പോസ്കോ നിയമപ്രകാരം കേസെടുത്തു. ഒരു സ്വകാര്യ കമ്പനിയില് ടെക്നീഷനായി ജോലി നോക്കുകയാണ് പ്രതി.
വീട്ടുപകരണങ്ങള് നന്നാക്കാനായി പെണ്കുട്ടിയുടെ വീട്ടില് ഇയാള് നിരന്തരം വന്ന് പോയിരുന്നതായി പോലീസ് പറഞ്ഞു. ആ അടുപ്പം മുതലെടുത്ത് യുവാവ് പെണ്കുട്ടിയുമായി ബന്ധം സ്ഥാപിച്ചു. ഇതിനിടെ പെണ്കുട്ടിയും കുടുംബവും കോട്ടയത്തേക്ക് താമസം മാറിയെങ്കിലും ഇയാള് അവിടെയുമെത്തി.
ഞായറാഴ്ച രാത്രി പന്ത്രണ്ടരയോടെ പെണ്കുട്ടിയുടെ വീട്ടിലെത്തിയ ധനേഷിനെ കുട്ടിയുടെ അമ്മ പിടികൂടി. ഇയാളെ മുറിയില് പൂട്ടിയിട്ട ശേഷം കുട്ടിയുടെ അമ്മ വിവരം പൊലീസിലറിയിച്ചു. തുടര്ന്ന് പൊലീസെത്തി ഇയാളെ അറസ്റ്റ് ചെയ്യുകയായിരുന്നു,
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam