തമിഴ്നാട്ടില് സൈക്കിളിന് പിന്നില് ബസിടിച്ച് വയനാട് സ്വദേശി മരിച്ചു
Synopsis
വയനാട് ചെറ്റപ്പാലം തേന്കുന്നേല് മാര്ക്കോസ്-മോളി ദമ്പതികളുടെ മകന് ബേസില് (21) ആണ് മരിച്ചത്.
കല്പ്പറ്റ: തമിഴ്നാട് പൊള്ളാച്ചിയില് സൈക്കിളില് ബസിടിച്ചുണ്ടായ അപകടത്തില് വയനാട് പുല്പ്പള്ളി സ്വദേശി മരിച്ചു. ചെറ്റപ്പാലം തേന്കുന്നേല് മാര്ക്കോസ്-മോളി ദമ്പതികളുടെ മകന് ബേസില് (21) ആണ് മരിച്ചത്. തിങ്കളാഴ്ച വൈകുന്നേരമായിരുന്നു അപകടം. പൊള്ളാച്ചിയിലുള്ള സഹോദരിയുടെ വീട്ടിലെത്തിയതായിരുന്നു ബേസില്.
ഇവിടെ നിന്ന് ടൗണിലേക്ക് സൈക്കിളില് പോകവെ സൈക്കിളിന് പിന്നില് ബസ് ഇടിക്കുകയായിരുന്നു. പോലീസും നാട്ടുകാരും ചേര്ന്ന് ഉടന് ബേസിലിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സി.എ. വിദ്യാര്ഥിയാണ് ബേസില്. സഹോദരങ്ങള്: നിമി, ഹെമി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam