'123456' മുതൽ 'donald' വരെ - 2018 ലെ ഏറ്റവും 'മണ്ടൻ' പാസ്‌വേഡുകൾ ഏതൊക്കെ?

ഇത്രയധികം പ്രസിദ്ധമായ പാസ്‌വേഡ് ഹാക്കിങ്ങ് സംഭവങ്ങൾ ഉണ്ടായതിനു ശേഷവും, ആയിരക്കണക്കിനാളുകളുടെ ലക്ഷക്കണക്കിന് രൂപ നഷ്ടപ്പെട്ടിട്ടും അതിൽ നിന്നൊന്നും ഒരു പാഠവും പഠിക്കാതെ ആളുകൾ വീണ്ടും വീണ്ടും ഇങ്ങനെയുള്ള മണ്ടൻ പാസ്‌വേഡുകൾ തങ്ങളുടെ പരമപ്രധാനമായ ഇടങ്ങളിൽ സെറ്റ് ചെയ്യുന്നു എന്നത് അതിശയകരമായ ഒരു വസ്തുതയാണ്

പ്രശസ്ത പാസ്‌വേഡ് മാനേജ്‌മെന്റ് സ്ഥാപനമായ SplashData, അവരുടെ കയ്യിലുള്ള ഇന്റർനെറ്റിലെ ഏറ്റവും കൂടുതൽ വട്ടം ലീക്കായിട്ടുള്ള അഞ്ചുലക്ഷം പാസ്‌വേഡുകളുടെ വിവരങ്ങൾ  പരിശോധിച്ച്, അതിൽ നിന്നും ഏറ്റവും അധികം മോശപ്പെട്ട  പാസ്‌വേഡുകകളുടെ ഒരു 'ടോപ് 100' വാർഷിക ലിസ്റ്റ് പുറത്തുവിട്ടിരിക്കുന്നു. 

തുടർച്ചയായ അഞ്ചാം വർഷവും ഒന്നാം സ്ഥാനത്തെത്തിയിരിക്കുന്നത് '123456' ആണ്. തൊട്ടുപിന്നിൽ, ഇടം പിടിച്ചിരിക്കുന്നത് 'password' ആണ്. 

"ഇത്രയധികം പ്രസിദ്ധമായ പാസ്‌വേഡ് ഹാക്കിങ്ങ് സംഭവങ്ങൾ ഉണ്ടായതിനു ശേഷവും, ആയിരക്കണക്കിനാളുകളുടെ ലക്ഷക്കണക്കിന് രൂപ നഷ്ടപ്പെട്ടിട്ടും അതിൽ നിന്നൊന്നും ഒരു പാഠവും പഠിക്കാതെ ആളുകൾ വീണ്ടും വീണ്ടും ഇങ്ങനെയുള്ള മണ്ടൻ പാസ്‌വേഡുകൾ തങ്ങളുടെ പരമപ്രധാനമായ ഇടങ്ങളിൽ സെറ്റ് ചെയ്യുന്നു എന്നത് അതിശയകരമായ ഒരു വസ്തുതയാണ്.' SplashDataയുടെ സിഇഒ മോർഗൻ സ്ലൈൻ പറഞ്ഞു. 

സെലിബ്രിറ്റികളുടെ പേരുകൾ, പോപ്പ് സംസ്കാരത്തിൽ  നിന്നും സ്പോർട്സിൽ നിന്നുമുള്ള റെഫറൻസുകൾ, ലളിതമായ കീബോഡ് കോമ്പിനേഷൻസ് തുടങ്ങിയവയെ ആശ്രയിച്ച് ഹാക്കർമാർ പലപ്പോഴും വളരെ വിജയകരമായി അക്കൗണ്ടുകളിലേക്ക് അതിക്രമിച്ചുകേറിയിട്ടുണ്ട്. പലതും മോഷ്ടിച്ചിട്ടുമുണ്ട്. 

ടോപ് 100 ലിസ്റ്റിലെ ആദ്യത്തെ 25  മണ്ടൻ പാസ്‌വേഡുകൾ ഇതാ..

1.123456
2. password
3. 123456789
4. 12345678
5. 12345
6.  111111
7. 1234567
8. sunshine
9. qwerty
10. iloveyou
11. princess
12. admin
13. welcome
14. 666666
15. abc123
16. football
17. 123123
18. monkey
19. 654321
20. !@#$%^&*
21. charlie
22. aa123456
23. password1
24. qwerty123
25. donald