യുഎസ് ഡോളറിന് വിട;ചൈനയുമായുള്ള പാകിസ്താന്റെ വ്യാപാരം ഇനി യുവാനില്
Synopsis
ബെയ്ജിംഗ്; ചൈനയും പാകിസ്താനും തമ്മിലുള്ള വ്യാപാരം അമേരിക്കന് ഡോളറില് നിന്നും ചൈനീസ് കറന്സിയായ യുവാനിലേക്ക് മാറുന്നു. പാകിസ്താന് ആസൂത്രണ-വികസനകാര്യമന്ത്രി അഹ്സാന് ഇഖ്ബാല് ആണ് ഇക്കാര്യം അറിയിച്ചത്. പാകിസ്താന്-ചൈന സാമ്പത്തിക ഇടനാഴിയുടെ ഭാഗമായി ലോംഗ് ടേം പ്ലാന് (2017-30) ഒപ്പുവച്ച ശേഷമാണ് മന്ത്രി ഇക്കാര്യം അറിയിച്ചതെന്ന് പാക് മാധ്യമമായ ദ ഡോണ് അറിയിക്കുന്നു.
ചൈനീസ് കറന്സി പാകിസ്താനില് വിനിമയത്തിന് ഉപയോഗിക്കുമോ എന്ന ചോദ്യത്തിന് പാകിസ്താന് റുപ്പീ തന്നെയാവും തുടര്ന്നും രാജ്യത്തിനുള്ളില് ഉപയോഗിക്കുകയെന്ന് മന്ത്രി വ്യക്തമാക്കി. എന്നാല് ചൈനയുടെ താത്പര്യപ്രകാരമാണ് വ്യാപാരം യുവാനിലേക്ക് മാറ്റുന്നതെന്നും അദ്ദേഹം കൂട്ടിച്ചേര്ത്തു.
പാകിസ്താന്-ചൈന അതിര്ത്തിയിലെ കശ്നഗറില് നിന്നും ദക്ഷിണപാകിസ്താനിലെ ഗ്വാദര് തുറമുഖം വരെ 3000 കിലോമീറ്റര് നീണ്ടു കിടക്കുന്നതാണ് പ്രസ്തുത സാമ്പത്തിക ഇടനാഴി.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.