‘സ്​റ്റേറ്റ്​ ബാങ്ക്​ ഒാഫ്​ ടൊമാറ്റോ’യിൽ നിക്ഷേപകരുടെ തിരക്ക്​

തക്കാളിയുടെ വിലക്കയറ്റത്തിനെതിരെ ഉത്തർപ്രദേശ്​ തലസ്​ഥാനമായ ലക്​നോവിൽ ‘സ്​റ്റേറ്റ്​ ബാങ്ക്​ ഒാഫ്​ ടൊമാറ്റോ’ തുറന്ന്​  കോൺഗ്രസി​ൻ്റെ പ്രതീകാത്​മക പ്രതിഷേധം. പ്രധാന നഗരങ്ങളിൽ എല്ലാം തക്കാളിയുടെ വില വാണം പോലെ കുതിച്ചുകയറുന്ന സാഹചര്യത്തിലാണ് പ്രതിഷേധം​. കൊൽകൊത്തയിൽ കിലോക്ക്​ 95ഉം ഡൽഹിയിൽ 92ഉം മുംബൈയിൽ 80ഉം ചെന്നൈയിൽ 55ഉം രൂപയാണ്​ തക്കാളിയുടെ വില.  

 ടൊമാറ്റോ ബാങ്ക്​ ഒ​ട്ടേറെ ആകർഷകമകായ ഒാഫറുകളും പ്രഖ്യാപിച്ചിട്ടുണ്ട്​. 'ടൊമാടോ ബാങ്കിൽ അരക്കിലോ തക്കാളി നിക്ഷേപിച്ചെന്നും ആറ്​ മാസം കഴിയു​മ്പോൾ ഒരു കിലോ തക്കാളി ലഭിക്കുമെന്നു​മാണ്  ‘ബാങ്കിൽ’ എത്തിയ 103 വയസ്​ പ്രായമുള്ള ശ്രീകൃഷ്​ണ വർമ ഹാസ്യാത്​മകമായി പറഞ്ഞത്​. തക്കാളി നിക്ഷേപിക്കുന്നവർക്ക്​ ആറ്​ മാസം കൊണ്ട്​ അഞ്ചിരട്ടി റി​ട്ടേൺ ആണ്​ ഒരു ഒാഫർ.

തക്കാളിക്ക്​ ലോക്കർ സൗകര്യം, തക്കാളി പണയത്തിൽ 80 ശതമാനം വായ്​പ, പാവപ്പെട്ടവരുടെ തക്കാളി നിക്ഷേപത്തിന്​ ആകർഷകമായ പലിശ നിരക്ക്​ തുടങ്ങിയവയാണ്​ ഒാഫറുകൾ. ഒരു ബാങ്കി​ൻ്റെ ഹാസ്യാനുകരണം തന്നെയാണ്​ കോണ്‍ഗ്രസിന്റെ ഈ തക്കാളി ബാങ്ക്.  മഴയിൽ പച്ചക്കറി കൃഷിയിൽ വൻ ഇടിവുകൂടി ഉണ്ടായതോടെ വില പിന്നെയും കുതിച്ചുകയറുകയായിരുന്നു