അസംസ്‍കൃത എണ്ണവില വര്‍ദ്ധിച്ചു

അസംസ്‍കൃത എണ്ണയുടെ ഇന്ത്യയ്‍ക്ക് ബാധകമായ അന്താരാഷ്‍ട്ര വില ബാരലിന് 59.61 ഡോളറായി വര്‍ദ്ധിച്ചു. കഴിഞ്ഞ ദിവസം എണ്ണവില  ബാരലിന് 59.07 ഡോളറായിരുന്നു. പെട്രോളിയം പ്രകൃതി വാതക മന്ത്രാലയത്തിനു കീഴിലുള്ള പെട്രോളിയം പ്ലാനിങ് ആന്റ് അനാലിസിസ് സെല്‍ ആണ് കണക്ക് പുറത്തു വിട്ടത്.

രൂപ നിരക്കിലും അസംസ്‌കൃത എണ്ണവില ബാരലിന് 3849.43രൂപയായി വര്‍ദ്ധിച്ചു. 2017 നവംബര്‍ 02-ന് എണ്ണവില ബാരലിന് 3815.80രൂപ ആയിരുന്നു. രൂപ-ഡോളര്‍ വിനിയമ നിരക്കില്‍ രൂപയുടെ മൂല്യം കഴിഞ്ഞ രണ്ടിന്  64.59 രൂപയായിരുന്നത്  മൂന്നിന് 64.58 രൂപയായി.