ഫിയറ്റ് കാറുകളുടെ വില കുറച്ചു

രാജ്യത്തെ കാര്‍ വിപണിയില്‍ നാമമാത്ര സാന്നിദ്ധ്യം മാത്രമുള്ള ഫിയറ്റ്, കൂടുതല്‍ വില്‍പ്പന ലക്ഷ്യമിട്ടാണ് വിലക്കുറവ് പ്രഖ്യാപിച്ചിരിക്കുന്നത്. ലിനിയക്ക് 7.3 ശതമാനവും പുണ്ടോയ്ക്ക് ഏഴ് ശതമാനവും വിലക്കുറവ് ലഭിക്കും. വിലക്കുറവ് ഉടനടി പ്രാബല്യത്തില്‍ വന്നതായി കമ്പനി അറിയിച്ചിട്ടുണ്ട്. അവന്‍റ്റ്യുറയും അര്‍ബന്‍ ക്രോസുമടക്കമുള്ള ഏതാനും മോഡലുകളുടെ വില കഴിഞ്ഞ വര്‍ഷം തന്നെ ഫിയറ്റ് കുറച്ചിരുന്നു. വിപണി പിടിക്കാന്‍ തന്നെ ലക്ഷ്യമിട്ടാണ് കമ്പനിയുടെ നീക്കമെന്നാണ് ഈ രംഗത്തെ പ്രമുഖര്‍ അഭിപ്രായപ്പെട്ടത്. നിലവില്‍ രാജ്യത്തെ ആകെ കാര്‍ വിപണിയുടെ ഒരു ശതമാനം മാത്രമാണ് ഫിയറ്റിന്റെ വില്‍പ്പന.