30,000 രൂപക്ക് മുകളിലുള്ള ഇടപാടുകൾക്ക്​ പാൻകാർഡ്​ നിർബന്ധമാക്കുന്നു

ന്യൂഡൽഹി: 30,000 രൂപക്ക് മുകളിലുള്ള ഇടപാടുകൾക്ക്​ കേന്ദ്രസർക്കാർ പാൻകാർഡ്​ നിർബന്ധമാക്കുന്നു. കള്ളപ്പണത്തിനെതിരെ കർശന നടപടി എടുക്കുന്നതി​ന്‍റെ ഭാഗമായിട്ടാണ് നടപടി. ഇതു സംബന്ധിച്ച പുതിയ നിർദേശങ്ങൾ കേന്ദ്രബജറ്റിൽ ഉണ്ടാവുമെന്നാണ്​​ സൂചന. നിലവില്‍ 50,000 രൂപക്ക് മുകളിലുള്ള ഇടപാടുകൾക്കായിരുന്നു പാൻകാർഡ്​ നിർബന്ധമാക്കിയിരുന്നത്​.

പുതിയ നടപടിയിലൂടെ കുറഞ്ഞ തുകയുടെ ഇടപാടുകളും കേന്ദ്ര സർക്കാറിന്​ നിരീക്ഷിക്കാൻ സാധിക്കും. നിശ്​ചിത തുകക്ക്​ ​ മുകളിലുള്ള ഇടപാടുകൾക്ക്​ കാഷ്​ ഹാൻഡലിങ്​ ചാർജ്​ ഏർപ്പെടുത്തുന്ന കാര്യവും സർക്കാറി​ന്‍റെ പരിഗണനയിലുണ്ടെന്നാണ് സൂചന. നടപടികളിലൂടെ ഡിജിറ്റൽ സമ്പദ്​വ്യവസ്​ഥയെന്ന ലക്ഷ്യം എളുപ്പം പൂര്‍ത്തീകരിക്കാമെന്നാണ് കേന്ദ്രസര്‍ക്കാരിന്‍റെ പ്രതീക്ഷ.