ബിജെപി നില സുരക്ഷിതമാക്കി; ഓഹരി വിപണി തിരിച്ച് കയറി

മുംബൈ: ഗുജറാത്ത് തിരഞ്ഞെടുപ്പില്‍ ബിജെപി നില മെച്ചപ്പെടുത്തിയതോടെ ഓഹരിവിപണി തിരിച്ച് കയറി. രാവിലെ ഗുജറാത്ത് തെരഞ്ഞെടുപ്പിൽ എക്സിറ്റ് പോൾ ഫലങ്ങൾ പ്രവചിച്ചത് പോലെ ബിജെപിയ്ക്ക് സീറ്റുകൾ കിട്ടാതിരുന്നതോടെ വിപണി കുത്തനെ ഇടിഞ്ഞിരുന്നു. മുംബൈ ഓഹരി സൂചികയായ സെൻസെക്സ് വ്യാപാരം ആരംഭിച്ച ഉടൻ 850 പോയന്‍റ് ഇടിഞ്ഞു. ദേശീയ ഓഹരി സൂചികയായ നിഫ്റ്റി 200 പോയന്‍റിൽ അധികം നഷ്ടം നേരിട്ടു. സെൻസക്സ് രാവിലെ ഒരു ഘട്ടത്തിൽ 32,595ലേക്കും നിഫ്റ്റി 10,074ലേക്കും താഴ്ന്നു. എന്നാല്‍  ബിജെപി നിലമെച്ചപ്പെടുത്തിയതിനെ തുടർന്ന് വിപണി ഉയര്‍ന്നു. സെൻസെക്സ് 45 പോയന്റും നിഫ്റ്റി 20 പോയന്റും ഉയർന്നു. തുടക്കത്തിലെ അനിശ്വിതത്വത്തിന് ശേഷം ബിജെപി നില മെച്ചപ്പെടുത്തിയിട്ടുണ്ട്.