ഓഗസ്റ്റിൽ ഈ 4 ഓഹരികൾ വാങ്ങൂ, 28 ശതമാനം ലാഭം നേടാം

ഈ ഓഹരികളിൽ നിക്ഷേപിച്ച് ഉയർന്ന ലാഭം നേടാം. ഓഗസ്റ്റിൽ നിക്ഷേപിച്ചാൽ  28 ശതമാനം വരെ ലാഭം   

വിദേശ നിക്ഷേപം തിരിച്ച് വന്നതും ക്രൂഡ് ഓയിൽ വില കുറഞ്ഞതും ഓഹരി വിപണിയിൽ പ്രതിഫലിച്ചിട്ടുണ്ട്. ഓഗസ്റ്റ് ആരംഭിച്ചപ്പോൾ തന്നെ വിപണി ഉജ്ജ്വല തുടക്കം കുറിച്ചു. നിഫ്റ്റി 17,500 മുകളിൽ എത്തിയതോടെ ഓഗസ്റ്റ് 8 ന് വിപണി അതിന്റെ നാല് മാസത്തെ ഏറ്റവും ഉയർന്ന നിലയിൽ വ്യാപാരം അവസാനിപ്പിച്ചു. ജൂണിന്റെ പകുതിയോടെ നഷ്ടങ്ങൾ പതിയെ ഇല്ലാതാക്കി വിപണി പഴയ പ്രതാപം തിരിച്ച് പിടിക്കുകയാണ്. ഓഹരിയിൽ നിക്ഷേപിക്കാൻ ആഗ്രഹിക്കുന്നവർക്ക് എവടെ നിക്ഷേപിക്കണം എങ്ങനെ നിക്ഷേപിക്കണം എന്ന് അറിഞിരിക്കുന്നത് നല്ലതാണ്. ഓഗസ്റ്റിൽ ഈ 4 ഓഹരികൾ വാങ്ങിയാൽ 28 ശതമാനം ലാഭം നേടാമെന്ന്  യെസ് സെക്യൂരിറ്റീസിലെ വിശകലന വിദഗ്ധർ അഭിപ്രായപ്പെടുന്നു. 

ഭാരതി എയർടെൽ  

ടെലികോം ഭീമനായ ഭാരതി എയർടെലിന്  ഇന്ത്യയിൽ മാത്രമല്ല ദക്ഷിണേഷ്യയിലും ആഫ്രിക്കയിലുമായി 17 രാജ്യങ്ങളിലായി 490 ദശലക്ഷത്തിലധികം ഉപഭോക്താക്കളുണ്ട്. ഭാരതി എയർടെൽ ഓഹരി ഈ വർഷം ഇതുവരെ ഏകദേശം 2 ശതമാനം നേട്ടമുണ്ടാക്കി, ഇപ്പോൾ ഒരു ഷെയറിന് 704 എന്ന നിരക്കിലാണ് വ്യാപാരം നടക്കുന്നത്. ഇനിയും വ്യാപാരം മെച്ചപ്പെടാനുള്ള സാധ്യതകൾ വിദഗ്ദർ മുന്നോട്ട് വെക്കുന്നു. 

ആക്‌സിസ് ബാങ്ക്

സിറ്റിബാങ്ക് ഇന്ത്യയുടെ റീട്ടെയിൽ ബിസിനസ്സ് ഏറ്റെടുക്കുന്നത് ആക്സിസ് ബാങ്കിന് ഗുണകരമായേക്കും എന്ന് വിപണി നിരീക്ഷകർ ചൂണ്ടികാണിക്കുന്നു. ആക്സിസ് ബാങ്കിന്റെ നെറ്റ് ക്രെഡിറ്റ് കാർഡുകളിലെ വിപണി വിഹിതം ഗണ്യമായി മെച്ചപ്പെട്ടു. 2022-ൽ ഇതുവരെ ആക്‌സിസ് ബാങ്ക് ഓഹരി 7 ശതമാനം ഉയർന്നിട്ടുണ്ട്. 23 ശതമാനം നേട്ടം നിക്ഷേപകർക്ക് നല്കാൻ ആക്‌സിസ് ബാങ്ക് ഓഹരിക്ക് സാധിക്കും എന്നാണ് വിദഗ്ദർ അഭിപ്രായപ്പെട്ടത്.  

പിഎസ്‌പി പ്രോജക്‌റ്റുകൾ

ഈ വർഷം പിഎസ്‌പി പ്രോജക്‌റ്റുകളുടെ ഓഹരികൾ കുത്തനെ ഉയർന്നു. ഈ വർഷം ഇതുവരെ 29 ശതമാനം വളർച്ച നേടാനായിട്ടുണ്ട്. പിഎസ്‌പി പ്രോജക്‌റ്റുകളുടെ  ഓഹരിയിൽ  13 ശതമാനം മുന്നേറ്റം യെസ് സെക്യൂരിറ്റീസ് പ്രവചിക്കുന്നു.  ഡിസൈൻ, കൺസ്ട്രക്ഷൻ, മെക്കാനിക്കൽ, ഇലക്ട്രിക്കൽ, പ്ലംബിംഗ് , ഇന്റീരിയർ എന്നിവ നൽകുന്ന കമ്പനിയാണ് പിഎസ്‌പി പ്രോജക്‌റ്റുകൾ. എല്ലാ വർഷവും ഓർഡർ ബുക്കിൽ 20-25 ശതമാനം സ്ഥിരമായ വളർച്ചയ്ക്ക് കമ്പനിയ്ക്കുണ്ട്.  

രാംകോ സിമന്റ്‌സ്

രാംകോ സിമന്റ്‌സിന്റെ ഓഹരികൾ ഈ വർഷം 26 ശതമാനം ഇടിഞ്ഞിരുന്നു. ദക്ഷിണേന്ത്യയിലെ ശക്തമായ റീട്ടെയിൽ സാന്നിധ്യമാണ് രാംകോ സിമന്റ്‌സ്. ക്രമാനുഗതമായി വർദ്ധിച്ചുവരുന്ന ഓഹരി വിഹിതം രാംകോ സിമന്റ്‌സിം വിപണിയിൽ ശക്തി പകരുന്നുണ്ട്. രാംകോ സിമന്റ് ഓഹരികൾക്ക് 23 ശതമാനം നേട്ടമാണ് വിദഗ്ദർ അഭിപ്രായപ്പെടുന്നത്.