ഇൻഫോസിസ് തലപ്പത്ത് വരാനിരിക്കുന്നത് വലിയ മാറ്റങ്ങൾ

ഇൻഫോസിസ് തലപ്പത്തെ മാറ്റം പൂർത്തിയായിട്ടില്ലെന്ന് സൂചന നൽകി കമ്പനിയുടെ സ്ഥാപകരിലൊരാളായ നാരായണ മൂർത്തി. പുതിയ ചെയർമാൻ നന്ദൻ നിലേകാനിയ്ക്ക് കീഴിൽ കോർപ്പറേറ്റ് ഭരണം മെച്ചപ്പെടുത്താനുള്ള നടപടികൾ ഇൻഫോസിസ് തുടരുമെന്ന് നാരായണ മൂർത്തി പറഞ്ഞു. 

ഇൻഫോസിസ് മുൻ മാനേജ്ർമെന്റിന്റെ ഭരണം തൃപ്തികരമായിരുന്നില്ല. പലഘട്ടത്തിലും ബോർഡ് ചെയർമാൻ ശേഷസായി നിക്ഷേപകരെ തെറ്റിദ്ധരിപ്പിച്ചു. മുൻ സി.എഫ്.ഒ രാജീവ് ബൻസാലിന് വിരമിച്ചതിന് ശേഷം വൻതുക നൽകിയതിനെക്കുറിച്ചായിരുന്നു മൂർത്തിയുടെ പരാമർശം. ഇസ്രായേൽ കമ്പനി പനായയെ കുറിച്ചുള്ള അന്വേഷണം തൃപ്തികരമല്ലെന്നും മൂർത്തി പറഞ്ഞു. മുംബൈയിൽ നിക്ഷേകരോട് കോൺഫറൻസ് കോളിലൂടെ സംസാരിക്കുകയായിരുന്നു മൂർത്തി.