മുംബൈയില് പെട്രോള് വില നാലുവര്ഷത്തെ ഉയര്ന്ന നിരക്കില്
Synopsis
തലസ്ഥാനമായ ഡല്ഹിയിലും പെട്രോള് വില ഉയര്ന്നു. ലിറ്ററിന് 74.08 രൂപയാണ് ഡല്ഹിയിലെ ഇന്നത്തെ പെട്രോള് വില.
മുംബൈ: രാജ്യത്തിന്റെ വാണിജ്യ തലസ്ഥാനമായ മുംബൈയില് പെട്രോള് വില നാലുവര്ഷത്തെ ഏറ്റവും ഉയര്ന്ന നിരക്കിലെത്തി. വെളളിയാഴ്ച പെട്രോള് വിലയില് ഒരു പൈസയുടെയും ഡീസലിന് നാലു പൈസയുടെയും വര്ധനയാണ് രേഖപ്പെടുത്തിയത്. ഇതോടെ മുംബൈയിലെ പെട്രോള് വില ലിറ്ററിന് 81.93 രൂപ നിരക്കിലെത്തി. 2013നുശേഷം മുംബൈയില് രേഖപ്പെടുത്ത ഏറ്റവും ഉയര്ന്ന വിലയാണിത്.
തലസ്ഥാനമായ ഡല്ഹിയിലും പെട്രോള് വില ഉയര്ന്നു. ലിറ്ററിന് 74.08 രൂപയാണ് ഡല്ഹിയിലെ ഇന്നത്തെ പെട്രോള് വില. ചെന്നൈയില് ലിറ്ററിന് 76.78 രൂപയും കൊല്ക്കത്തയില് 76.85 രൂപയുമാണ് ഇന്നത്തെ വില. രാജ്യത്തെ മറ്റു നഗരങ്ങളിലും സമാനമായ രീതിതിയില് വില ഉയര്ന്നിട്ടുണ്ട്.
ഡീസല് വിലയിലും സമാനമായ രീതിയില് വര്ധനവ് രേഖപ്പെടുത്തിയിട്ടുണ്ട്. വ്യാഴാഴ്ച പെട്രോള്-ഡീസല് വിലയില് അഞ്ച് പൈസയുടെ വര്ധനവ് രേഖപ്പെടുത്തിയിരുന്നു.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.