ലോകത്തിലെ എറ്റവും മികച്ച സ്പോർട്സ് കാറുകളിലൊന്നായ ഓഡിയുടെ R8ന്‍റെ പരസ്യ ചിത്രീകരണത്തെക്കുറിച്ചാണ് പറഞ്ഞു വരുന്നത്.
അടുത്തകാലത്ത് R8ന്‍റെ പരസ്യത്തിനായി എടുത്ത ചിത്രങ്ങളും കിടിലനായിരുന്നു. ആൽപസ് പർവത നിരക്കൾക്കിടയിലൂടെയും മഞ്ഞിലൂടെയുമെല്ലാം തെന്നിനീങ്ങുന്ന ഓഡി R8ന്‍റെ ചിത്രങ്ങൾ വൈറലായിരുന്നു.
എന്നാൽ, ഇപ്പോൾ പുറത്തു വരുന്ന വാർത്തകൾ പറയുന്നത് ഈ ചിത്രങ്ങളെല്ലാം എടുത്തത് 2500 രൂപ മാത്രം വില വരുന്ന ഓഡി R8ന്‍റെ ചെറിയ മോഡൽ കാർ ഉപയോഗിച്ചതാണെന്നാണ്. പരസ്യ ചിത്രങ്ങളെടുത്ത ഫോട്ടോഗ്രഫർ തന്നെയാണ് ഇക്കാര്യം ലോകത്തെ അറിയിച്ചത്. ആഡംബര വാഹനത്തിനായി ഇത്രയും കുറഞ്ഞ ചെലവിൽ പരസ്യമൊരുക്കിയതാണ് വാഹന ലോകത്തെ പുതിയ ചർച്ചാ വിഷയം.