'ഓരോരോ ആപ്പുകളേ...' എന്ന അടിക്കുറിപ്പോടെ വിധുവാണ് രണ്ട് ഫോട്ടോകൾ പങ്കുവച്ചിരിക്കുന്നത്. എന്തായാലും ഇരുവരുടെയും 'കുട്ടി ചിത്രം' ആരാധകർ ഏറ്റെടുത്തുകഴിഞ്ഞു.
ഒരിടവേളയ്ക്ക് ശേഷം പൂർവാധികം ശക്തിയോടെ തിരിച്ചെത്തിയ ഫെയ്സ് ആപ്പ് ഉപയോഗിച്ച് കുട്ടികളെ പോലെ രൂപം മാറ്റുന്ന തിരക്കിലാണ് സെലിബ്രിറ്റികൾ. ഇപ്പോഴിതാ ഈ 'ട്രെന്റ്' പിന്തുടരുകയാണ് ഗായകൻ വിധു പ്രതാപും നർത്തകിയും വിധുവിന്റെ ജീവിത പങ്കാളിയുമായ ദീപ്തിയും. ഈ ചിത്രം ഇപ്പോൾ സോഷ്യൽ മീഡിയയിൽ ചിരിയുണർത്തുകയാണ്.
'ഓരോരോ ആപ്പുകളേ...' എന്ന അടിക്കുറിപ്പോടെ വിധുവാണ് രണ്ട് ഫോട്ടോകൾ പങ്കുവച്ചിരിക്കുന്നത്. എന്തായാലും ഇരുവരുടെയും 'കുട്ടി ചിത്രം' ആരാധകർ ഏറ്റെടുത്തുകഴിഞ്ഞു.
ഓരോരോ ആപ്പുകളേ....😁 #FaceApp #TimeTravel
A post shared by Vidhu Prathap (@vidhuprathap_official) on Oct 3, 2020 at 10:04pm PDT
ശബ്ദ മാധുരിയിലൂടെ മലയാളികളുടെ പ്രിയപ്പെട്ട ഗായകനായ വിധു പ്രതാപും നൃത്തത്തിലൂടെ ആസ്വാദകരുടെ ഹൃദയം കീഴടക്കിയ ദീപ്തിയും സമൂഹമാധ്യമങ്ങളിൽ വളരെ സജീവമാണ്. നേരത്തെ ടിക്ക്ടോക്ക് വീഡിയോയുമായി എത്തി ഇരുവരും കാഴ്ചക്കാരെ ഏറെ ചിരിപ്പിച്ചിരുന്നു. ലോക്ക്ഡൗണ് കാലത്ത് എങ്ങനെ ക്രിയാത്മകമായി സമയം ചെലവഴിക്കാം എന്നതിനെ കുറിച്ച് ഇരുവരും നടത്തിയ ചർച്ചയുടെ വീഡിയോ വൈറലായിരുന്നു.