പഴയ വീട് വിൽക്കുമ്പോൾ നികുതിയിൽ നിന്നും ഇളവ് നേടാം. വരുമാനത്തിന്റെ ഈയൊരു ഭാഗം നികുതിയായി നൽകുന്നതിന് പകരം അതിൽ നേടാനാകുന്ന ഇളവുകൾ കുറിച്ച് അറിഞ്ഞിരിക്കൂ
രാജ്യത്ത് വാർഷിക വരുമാനത്തിന് മുകളിൽ നികുതി അടയ്ക്കുന്നവർ അവരുടെ സമ്പാദ്യത്തിന്റെ ഒരു ഭാഗം ആദായനികുതിയായി സർക്കാരിലേക്ക് നൽകുകയാണ്. എന്നാൽ വീട്, സ്ഥലം പോലെയുള്ള, നിങ്ങളുടെ കൈവശം രണ്ട് വർഷത്തിൽ കൂടുതൽ ഉണ്ടായിരുന്ന ആസ്തി വിൽക്കുമ്പോൾ അതിൽ നിന്നും കിട്ടുന്ന വരുമാനം നികുതി വിധേയമാകുമോ? ഉത്തരം അതെ എന്നാണ്. ഇങ്ങനെ സ്വത്തുക്കൾ വിൽക്കുന്നതിലൂടെ നിങ്ങൾ ലാഭം നേടുകയാണെങ്കിൽ, ആ വരുമാനവും നികുതി വിധേയമാണ്, ഇങ്ങനെ ലഭിക്കുന്ന ലാഭത്തെ ദീർഘകാല മൂലധന നേട്ടം (LTCG) എന്നാണ് കണക്കാക്കുക. ഇതിന് 20.8 ശതമാനം നികുതിയുണ്ട്. എന്നിരുന്നാലും, ചില കാര്യങ്ങൾ ശ്രദ്ധിച്ചാൽ നികുതിയിൽ നിന്നും ഇളവ് നേടാൻ സാധിക്കും. ഒരു പഴയ വീട് വിൽക്കാൻ ആഗ്രഹിക്കുന്നുവെങ്കിൽ, വിൽപ്പനയിൽ നിന്ന് ലഭിക്കുന്ന നിങ്ങളുടെ വരുമാനത്തിന് മുകളിൽ നികുതി അടയ്ക്കുന്നത് ഒഴിവാക്കാൻ ഈ കാര്യങ്ങൾ ഓർത്തുവെക്കുക.
Read Also: ഭവന വായ്പയ്ക്ക് ഇളവ് നൽകി എസ്ബിഐ; ഉത്സവ ഓഫർ ജനുവരി വരെ
Read Also: അമുലിനെ മറ്റ് 5 സഹകരണ സംഘങ്ങളുമായി ലയിപ്പിക്കും; നടപടികൾ ആരംഭിച്ചതായി അമിത് ഷാ