പേഴ്സണൽ ലോൺ ലഭിക്കാൻ ഒരുമിച്ച് അപേക്ഷിക്കാം; ജോയിൻ്റായി ലോൺ എടുക്കുന്നതിന് ​ഗുണങ്ങളേറെ...

ഇങ്ങനെയുള്ള അവസരങ്ങളിൽ ബാങ്ക് ഒരു പക്ഷെ ഒരു സഹ അപേക്ഷകനെ പരി​ഗണിക്കാൻ തയ്യാറായേക്കും

പലപ്പോഴും പണത്തിന് ആവശ്യമുള്ള സന്ദർഭങ്ങളിൽ പലരും ആശ്രയിക്കുന്നത് പേഴ്സണൽ ലോണിനെയാണ്. എന്നാൽ ക്രെഡിറ്റ് സ്കോർ കുറവാണ്, അല്ലെങ്കിൽ മറ്റെന്തെങ്കിലും കാരണങ്ങൾ ഉണ്ടെങ്കിൽ വായ്പ അപേക്ഷ നിരസിക്കപ്പെട്ടേക്കാം. ഇങ്ങനെയുള്ള അവസരങ്ങളിൽ ബാങ്ക് ഒരു പക്ഷെ ഒരു സഹ അപേക്ഷകനെ പരി​ഗണിക്കാൻ തയ്യാറായേക്കും. എന്താണ് സഹ അപേക്ഷകൻ? ഇത് വായ്പ തഴിക്കാനുള്ള സാധ്യത എങ്ങനെ വർദ്ധിപ്പിക്കുന്നു? 

പേഴ്സണൽ ലോൺ സഹ-അപേക്ഷകൻ ആരാണ്?

ഒരു വ്യക്തിഗത വായ്പാ സഹ-അപേക്ഷകൻ എന്നത് കടം വാങ്ങുന്നയാളോടൊപ്പം മറ്റൊരു വ്യക്തി കൂടി ആ വ്യക്തിഗത വായ്പയ്ക്ക് അപേക്ഷിക്കുന്നതിനെയാണ്. വായ്പയുടെ തിരിച്ചടവിന് സഹ-അപേക്ഷകന് തുല്യ ഉത്തരവാദിത്തം ഉണ്ടാകും. തിരിച്ചടവിൽ ഒരു വീഴ്ച സംഭവിച്ചാൽ, അത് പ്രാഥമികമായി കടം വാങ്ങുന്നയാളുടെയും സഹ-അപേക്ഷകന്റെയും ക്രെഡിറ്റ് സ്കോറിനെ ബാധിക്കും. 

ബാങ്ക് നിയമങ്ങൾ അനുസരിച്ച്, ഒരു വ്യക്തിഗത വായ്പയുടെ സഹ-അപേക്ഷകൻ ആകേണ്ടത് കടം വാങ്ങുന്നയാളുടെ ബന്ധു, ജീവിതപങ്കാളി, രക്ഷിതാവ്, സഹോദരൻ അല്ലെങ്കിൽ മറ്റാരെങ്കിലുമാകാം. ബാങ്കിന്റെ വ്യക്തിഗത വായ്പാ യോഗ്യതാ മാനദണ്ഡങ്ങൾ പാലിക്കുന്ന സഹ-അപേക്ഷകനെ കൊണ്ടുവരുന്നത് വ്യക്തിഗത വായ്പ ലഭിക്കാനുള്ള സാധ്യത വർദ്ധിപ്പിക്കുന്നു.

ഒരു പേഴ്സണൽ ലോണിന്റെ  സഹ-അപേക്ഷകന്റെ ഗുണങ്ങൾ

വായ്പാ യോഗ്യത കൂടുതലായിരിക്കും: രണ്ട് അപേക്ഷകരുടെയും വരുമാനം ബാങ്കുകൾ പരിഗണിക്കുന്നതിനാൽ ഒരുമിച്ച് അപേക്ഷിച്ചാൽ വായ്പ ലഭിക്കാനുള്ള യോഗ്യത കൂടും. എന്നാൽ തിരിച്ചടിയുമുണ്ട്. രണ്ട് പേരുടെയും നിലവിലുള്ള കടങ്ങൾ യോഗ്യതയെ ബാധിച്ചേക്കാം, അതുകൊണ്ട് അപേക്ഷിക്കുന്നതിന് മുമ്പ് കട-വരുമാന അനുപാതം പരിശോധിക്കുക.

നികുതി ആനുകൂല്യങ്ങൾ: രണ്ട് അപേക്ഷകർ ഉള്ളതിനാൽ നികുതി ആനുകൂല്യങ്ങൾ കൂടുതലായിരിക്കും.  രണ്ട് സഹ-വായ്പക്കാർക്കും വായ്പ തുകയ്ക്ക് 1.5 ലക്ഷം രൂപ വരെയും പലിശയ്ക്ക് 2 ലക്ഷം രൂപ വരെയും നികുതി കിഴിവുകൾ ക്ലെയിം ചെയ്യാൻ കഴിയും, 

ലോൺ കാലാവധി: ജോയിന്റ് ലോണുകൾ എടുക്കുന്നതിനുള്ള പ്രധാന ഗുണം തിരിച്ചടവ് കാലയളവ് കൂടുതൽ ലഭിക്കുമെന്നുള്ളതാണ്.  ഇത് ഇഎംഐകൾ കുറയ്ക്കും, പക്ഷേ പലിശ ചെലവ് വർദ്ധിപ്പിക്കും.

തിരിച്ചടവ് ബാധ്യത: ഒന്നിലധികം വായ്പക്കാർ ഉള്ളതിനാൽ തിരിച്ചടി ബാധ്യത പങ്കിടാം. അതിനാൽ വ്യക്തിഗത സാമ്പത്തിക ഭാരം കുറയുന്നു.

ഉടമസ്ഥാവകാശം: മിക്ക ബാങ്കുകളും ജോയിന്റ് വായ്പ നൽകുമ്പോൾ അപേക്ഷകർ സ്വത്തിന്റെ സഹ-ഉടമകളായിരിക്കണമെന്ന് ആവശ്യപ്പെടും. അതുകൊണ്ടുതന്നെ, നിയമപരമായ ഒരു കരാർ ഉണ്ടായിരിക്കുന്നത് തർക്കങ്ങൾ ഒഴിവാക്കാൻ സഹായിക്കും.