ഈ വർഷം മെയ് ആദ്യവാരത്തിൽ 26.24 ബില്യൺ യൂണിറ്റായിരുന്നു ഉപഭോഗം.
ദില്ലി: ഊർജ്ജ ഉപഭോഗത്തിൽ ജൂൺ ആദ്യവാരം 12.6 ശതമാനം വർധന രേഖപ്പെടുത്തി. 25.36 ബില്യൺ യൂണിറ്റാണ് ഉപഭോഗം. വാണിജ്യ-വ്യാവസായിക രംഗങ്ങളിൽ ഉണ്ടാകുന്ന മന്ദഗതിയിലുള്ള തിരിച്ചുവരവിന്റെ സൂചനയാണ് ഇത് നൽകുന്നത്.
കഴിഞ്ഞ വർഷം ജൂൺ ആദ്യവാരം ഊർജ്ജ ഉപഭോഗം 22.53 ബില്യൺ യൂണിറ്റായിരുന്നു. എന്നാൽ കഴിഞ്ഞ വർഷം ജൂൺ മാസത്തിലാകെ 105.08 ബില്യൺ യൂണിറ്റായിരുന്നു ഉപഭോഗം. 2019 ൽ 117.98 ബില്യൺ യൂണിറ്റായിരുന്നു ഉപഭോഗം.
ഈ വർഷം മെയ് ആദ്യവാരത്തിൽ 26.24 ബില്യൺ യൂണിറ്റായിരുന്നു ഉപഭോഗം. മെയ് മാസത്തെ അപേക്ഷിച്ച് ജൂൺ മാസത്തിലെ ആദ്യവാരത്തിൽ 3.35 ശതമാനം ഉപഭോഗം ഇടിഞ്ഞെന്നാണ് കണക്ക് വ്യക്തമാക്കുന്നത്.
ജൂൺ ഏഴിനാണ് ഈ വാരത്തിലെ ഏറ്റവും ഉയർന്ന ഉപഭോഗം ഉണ്ടായത്. 168.72 ഗിഗാവാട്ട്. 2020 ജൂൺ ആറിനായിരുന്നു ആ ആഴ്ചയിലെ ഏറ്റവും ഉയർന്ന ഉപഭോഗം. അത് 146.53 ഗിഗാവാട്ടായിരുന്നു. 2019 ൽ ജൂൺ നാലിനായിരുന്നു ഉയർന്ന ഉപഭോഗം. അത് 181.52 ബില്യൺ യൂണിറ്റായിരുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona